Díli, 27 Fevereiru 2023 – Autoridade Protesaun Sivíl iha atualizasaun (up-date) dadus dezastre hosi 21 to´o 27 Fevereiru 2023 relata katak komunidade nia uma hamutuk 22 hetan estragus hosi anin bo´ot no mos uma 3 hetan estraga tamba insendiu.
Diretór Gabinete Relasaun Externa no Komunikasaun, Anacleto Caetano iha konferensia impresa Segunda (27/2/2023) esplika hosi uma komunidade refere ne´ebe hetan estragus total uma kain 73.
“Akontese iha munisipiu hanesan: Munisipiu Aileu Anin sobu uma 1, Munisipiu Covalima anin sobu uma 1, Munisipiu Díli ahí han uma 1 no uma kain 50 mak afetadu, Munisipiu Ermera anin Sobu uma 2, Munisipiu Liquiça Anin sobu uma 3 no Ahí han uma 1, Munisipiu Lautem ahí han uma 1, Munisipiu Manatutu Anin sobu uma 1, Munisipiu RAEOA Anin sobu uma 9, Munisipiu Viqueque Anin sobu uma 3, Ahí han uma 1,” informa Anacleto Caetano.
Komando Operasional APC Munisipiu sira, esplika Anacleto, sei kontinua halo hela levantamentu detaillus kona-ba sasan ne’ebé estragus no lakon.
“Vitima sira simu ona apoia emerjensia tantu food item no non food item,” dehan Anacleto.
“Apela ba komunidade, waihira akontese anin bo’ot husu ba populasaun sira hadook a’an husi fatin risku no buka hela iha fatin ne’ebé seguru, akompaña nafatin informasaun husi meterologia,” dehan diretor ne´e.
Deskrisaun ba Akontesimentu:
- Munisipiu Aileu; Postu Remexiu, Suku Asumau, Aldeia Lerolisa, iha loron 25/02/2023 akontese anin bo’ot no sobu komunidade nia uma1.
- Munisipiu Covalima; Postu Fohorem, Suku Fohorem Aldeia Sadahur, iha loron 25/02/2023 akontese anin bo’ot no sobu komunidade nia uma 1
- Munisipiu Díli; Postu Dom Aleixo, Suku Madohi, Aldeia Terasanta, iha loron 23/02/2023 akontese ahí han uma 1, no xefe familia hamutuk 50 mak afetadu.
- Munisipiu Ermera; Postu Ermera, Suku Legimea, Aldeia Hatulete, iha loron 23/02/2023 akontese anin bo’ot no sobu komunidade nia uma 2.
- Munisipiu Liquiça; Postu Maubara Suku Maubaralisa, Aldeia Uatugili, iha loron 21/02/2023 akontese anin bo’ot no sobu komunidade nia uma 1, Suku Vatuvou, Aldeia Vouraebei, iha loron 21/02/2023 akontese anin boot no sobu komunidade nia uma 1, Suku Lisadila, Aldeia Caicasa, iha loron 21/02/2023 akontese ahí han komunidade nia uma 1
- Munisipiu Lautem; Postu Loru, Suku Kota mutu, iha loron 25/02/2023 akontese ahí han komunidade nia uma 1.
- Munisipiu Manatuto; Postu Manatuto Vila, Suku Aiteas, Aldeia Bi’uak, iha loron 25/02/2023 akontese anin bo’ot sobu kominidade nia uma 1.
- RAEOA; Sub Regian Oesilo; Suku Bobometo, Aldeia Quibiselo, iha loron 26/02/2023 akontese anin bo’ot no sobu komunidade nia uma 1, Sub Regian Nitibe, Suku Bene-ufe, Aldeia Lamasi, iha loron 25/02/2023 akontese anin bo’ot no sobu komunidade nia uma 1, Sub Regian Pante Makasar, Suku Taiboko, Aldeia Bi One, iha loron 26/02/2023 akontese anin bo’ot no sobu komunidade nia uma 7
- Munisipiu Viqueque; Postu Viqueque; Suku Karau Balu, Aldeia Lamaklaran, iha loron 23/02/2023 akontese anin bo’ot no sobu komunidade nia uma 1, Suku Uma Uain Kraik, Aldeia Loho, iha loron 21/02/2023 akontese anin bo’ot no sobu komunidade nia uma 1, Suku Maluru, Aldeia Makalosso, iha loron 25/02/2023 akontese anin bo’ot no sobu komunidade nia uma 1; Postu Ossu, Suku Uaiguia, Aldeia Uaitutu Mata, iha loron 24/02/2023 akontese ahí han komunidade nia uma 1