GLENO, 11 Abril 2023 – Relasiona ho kalendariu eleisaun Parlamentar ne´ebe sei hahu atividade ho kampana hahu 19 Abril too 18 Maiu 2023, Autoridade Proteção Civil (APC) liu hosi Diresaun Nasional Prevensaun Konlitu Komunitaria (DNPKK) realiza programa ba Kampana Promove Dame ne´ebe halao iha teritoriu Timor-Leste tomak.
https://www.youtube.com/watch?v=lMRfkdKINdw
Kampana Promove Dame ne´e rasik nia abertura ofisialmente lansa hosi Prezidenti APC, Superintendente Polisia Ismael da Costa Babo, M.Sc hamutuk ho autoridade sira iha Munisipiu Ermera, Inklui PNTL no APC Munisipiu Ermera, Tersa (11/4/2023), iha Salaun Parokia Gleno, Ermera.
Iha nia deskursu abertura, Prezidenti APC apela ba komunidade iha Munisipiu Ermera relasiona ho atividade kampana partidu politiku sira atu kontinua mantein ambiente estabilidade no dame no hadook aan hosi problema ne´ebe bele hamosu instabilidade.
“Husu ita hotu atu moris iha dame,” dehan superior iha APC ne´e.