+670 77879422 grec@apc.gov.tl

Uma Kain nia Uma 23 Hetan Estragus Tamba Dezastre Naturais

by | Apr 18, 2023 | Notisia | 0 comments

DILI, 17 Abril 2023 – Autoridade Protesaun Sivil (APC) relata Xefi Familia 23 nia uma maka hetan estragus tamba akontesementu dezastre naturais durante periodu 11 to´o 17 Abril 2023.

“CNOPC-APC rejistu uma hamutuk  Xefi familias 23 mak hetan estragus liu-liu iha, Munisipiu Aileu Ahi Han 1, Municipio Ermera Anin sobu uma kain 4, ahi han Uma kain 2 no  Rai halai estragus uma kain 15), no Municipio Viqueque Anin Sobu uma 1,” informa Diretor Gabinete Relasaun Externa no Komunikasaun, Anacleto caetano, M.AP ba jornalista sira iha konferensia imprensa, Segunda (17/4/2023), iha Salaun Konferensia APC Kaikoli, Dili.

https://www.youtube.com/watch?v=oi5Th0DXEAQ 

Ho uma komunidade 23 ne´e, total dadus ne´ebe APC rejista desde Janieiru too 17 Abril 2023 maka 887.

Tuir mai komunidade nia uma ne´ebe hetan estragus:

Munisipiu Aileu:

Postu Aileu Villa, Suku Fatubosa, Aldeia Caicasa, iha loron 07/04/2023 akontese ahi han komunidade nia uma 1. (NB: Dadus husi Postu ida ne’e ekipa turnu foin simu iha loron 13/04/2023 kalan).

Municipiu Ermera:

Postu Ermera:  

  1. Suku Mertutu, Aldeia Rai Lori, iha loron 04/04/2023 akontese Anin bo’ot estraga komunidade nia uma 1.
  2. Suku Poetete, Aldeia Rematu, iha loron 10/04/2023 akontese Rai halai estragos komunidade nia uma 8.
  3. Suku Poetete, Aldeia Urletho, iha loron, 03/04/2023 akontese Rai halai estraga komunidade nia uma 1.
  4. Suku Legimea, Aldeia Tidir, iha loron 04/04/2023 akontese udan bo’ot no Rai halai estraga komunidade nia uma 1.

Postu Hatulia A:

  1. Suku Coliati, Aldeia Aihatade, iha loron 10/04/2023 akontese Anin sobu estragus komunidade nia uma 2.
  2. Suku Ailelo, Aldeia Santa Cruz, iha loron 27/03/2023 akontese Rai halai estragus komunidade nia uma 2.
  3. Suku Hatulia Vila, Aldeia Timohei, iha loron 01/04/2023 akontese Anin Sobu estraga komunidade nia uma 1.
  4. Suku Limia Kraik, Aldeia Grotu, iha loron 23/03/2023 akontese Ahi han estragus komunidade nia uma 2.
  5. Suku Manusae, Aldeia Poeba, iha loron 27/03/2023 akontese Rai halai estragus komunidade nia uma 2.

NB: Dadus husi Suku ne’e ekipa turnu CNOPC simu iha loron 12/04/2023.

Postu Hatulia B: Suku Lisapat, Aldeia Tatae-Ulu, iha loron 08/04/2023 akontese Rai halai estraga komunidade nia uma 1.

Municipiu Viqueque:

Postu Viqueque, Suku Uma Ki’ik, Aldeia Lua, iha loron 11/04/2023 akontese Anin bo’ot estraga komunidade nia uma 1.

Asaun ka intervensaun durante dezastre:

– Komando APC Munisipiu Aileu Halo assesmentu no verefikasaun ba uma estragus

no seidauk fo apoiu emerjensia.

– Komando APC Munisipiu Ermera Halo asesmentu no  verefikasaun ba uma estragus

no fo ona  apoiu emerjensia.

– Komando APC Munisipiu Viqueque Halo asesmentu no  verefikasaun ba uma estragus no fo ona  apoiu emerjensia.

X