Dili, 28 abril 2023 – Gabinete Inspeksaun Autoridade Protesaun Sivíl (APC) hamutuk ho Diresaun Nasional Jestaun Risku Dezastre no Departementu Lojístika, Diresaun Nasional Jestaun Rekursu (DNGR) halo monitorizasaun ba kompaña ne´ebé durante ne´e, fornese sasan emerjénsia aihan nomos la’os aihan ba APC.
Monitorizasaun ne´e lidera direitamente husi Diretór Gabinete Inspeksaun Auditória (GIA) Valdomar Belo ho objetivu atu aselera láis servisu sira tuir tarjeitu ejekusaun item sira ho klaru tuir planu ne’ebé iha ho transparansia, akontabilidade iha ezekusaun ba kna’ar no responsabilidade iha terenu ba ezekusaun orsamentál ba atendementu vida umanu nian iha área risku no dezastre nian.
Kompaña ne´ebé GIA vizita mak hanesan Supermerkadu Jacinto, Leader, Loja Vitoria no Loja Hardward.
Husi komunikasaun ne´ebé parte GIA halo ho kompaña fornesedor, kompaña sira garantia stock sasan preparadu no prontu ezekuta bainhira APC persiza hodi distribui ba vítima dezastre sira.
Textu & Foto: Ad-Bin Belo