Dili, 10 Maiu 2023 – Autoridade Protesaun Civil (APC) reprezenta hosi Diretor Gabinete Inspesaun no Auditoria, Valdomar Belo no funsionariu balun APC nian partisipa formasaun ba materia Auditória, Inspesaun, hakerek relatóriu no auditór.
Formasaun ne´ebe realiza hosi Ministériu assuntu Parlamentares no Komunikasaun Sosiál (MAPKOM), Ministériu Turismu Komersiu no Industria (MTCI) no Komisaun Funsaun Públika (CFP) iha salaun Sentru Konvensaun Dili ne´e realiza desde 10-14 Abril no 17-24 Abril 2023.
Objetivu husi formasaun ne’e maka kapasita tekniku sira nia koñesementu klean ba iha area Inspesaun no Auditória nian.
Iha seremonia enseramentu nian, Claudio Cabral Belo reprezenta formandus sira konsidera katak materia ne´ebe fahe hosi formandus sira iha formasaun ne´e sai bukae ida ba ida-idak nia instituisaun iha implementasaun servisu nian.
Entertantu Sup. Inspetora MTCI, Claudia Cardoso hateten, iha servisu auditoria no inspesaun nian persiza servisu hamutuk ekipa nian nune´e instituisaun ne´ebe partisipante sira haknaar an bele hetan rezultadu ne´ebe diak.
Hola prezensa iha enseramentu ne’e reprezentante Ministru MAPKOMS, MTCI no CFP.
Foto & Foto, Edwin GREC