Lautém, 30 Maiu 2023-Autoridade Proteção Civil (APC) liuhusi Diresaun Nasionál ba Prevensaun Konflitu Komunitáriu (DNPKK) fo formasaun kona-bá Jestaun Emosaun ba Prevensaun Konflitu (JEPK) ba Lideránsa Komunitária sira iha Salaun Postu Administrativu Iliomar, Munisípiu Lautém, tersa-feira 30 Maiu 2023.
Formasaun ne’e, hetan partisipasaun másimu husi Komadante Operasionál APC Munisípiu Lautém Inspetór Tito da Silva, Administradór Postu Iliomar,Reprezentante Komadante PNTL Munisípiu Lautém, lideránsa Komunitária sira, OPS Suku nomós Reprezentante Diretór DNPKK Nasionál sr. Julião Fernandes ne’ebé sai hanesan mós fasilitadór ba programa refere.