Dili, 31 maiu 2023 – Autoridade Protesaun Sivil (APC) ho Ministerio Interior (MI) parte Inspeksaun halo Teste Sistema Alerta Tsunami ne’ebé maka hari’I iha Largo Lesidere no Aeroportu Komoro Dili, Kuarta 31 Maiu 2023.
Ministrio Interior lidera husi Diretór Diresaun Nasional Jestaun Lojistika no Arquivo, Fernando de Sousa no Autoridade Protesaun Sivil Lidera husi Adjunto Tereste Martinho Fatima, hodi koko sirene/alarma sira ne’ebé instala ona iha tasi ibun Lesidere, ho Aeroportu Komoro Dili,
Sirene ne’e ho objetivu atu hare’e ba akontesementu ne’ebé la espera hodi prepara ba Tsunami ruma mosu hodi nune’e bele alerta sedu ba iha populasaun sira ne’ebé hela besik iha tasi ibun no area sira ne’ebé la doók husi tasi, atu bele fó atensaun hodi evakua ba iha fatin as/seguru nian.
Presidente APC Sup. Polisia, Ismail da Costa Babo hateten “ Ba kompaña ARFAK atu labele subar matenek no fahe esperénsia ne’ebé iha ba ekipa APC hodi uja sasan hirak ne’e ba salva vida umanu”
“Apela ba tekniku Autoridade Proetsaun Sivíl sira atu aproveita tempu husi Kompana ARFAK Hodi utulija tempu ne’e ho diak hodi hare’e ba situasaun emergensia nia, liu husi responsabilidade ne’ebé Autoridade Protesaun Sivíl ” dehan Prezidente APC, Ismail da Costa Babo.
Iha fatin hanesan Adjuntu Terreste Martinho Fatima hatutan objetivu atu alerta sedu bainhira akontese dezastre boot ruma
“Objetivu husi sirene ne’e atu alerta sedu ba iha populasaun hotu karik iha akontesementu ruma rai nakdoko no tasi sae/Tsunami. Tamba ne’e, ekipa sira husi APC mai hare’e hodi halo fila-fali teste ba matriál ka sasan ida ne’e no iha mós ekipa Inspecção e logística Nasionál do Ministerio Interior mai observa fatin no hare’e kompaña nia instalasaun ba iha regular Sistema ida ne’e rasik, Sirene ne’e halo manutensaun husi kompaña ARFAK” dehan Adjuntu Terreste Martinho, Martinho Fatima
Kompaña ne’e mós promote sei fahe esperensia ba iha ekipa utulijadór sira atu komprende hodi bele utuiliza ekipamentus sira ne’e hodi bele alerta sistema ne’e ho lalais ba komunidade sira
Foto & Textu, Edwin GREC