KOREA DO SUL 31 Maiu 2023 – Comandante Operasaun Autoridade Protesaun Sivil Municipio Aileu, Helio da Conceição de Deus, Inpector Chefe Polisia no Staf Tekniku analisis APC participa iha Treinamentu Disaster Risk Management Capacity Building Programe For AMS (ASEAN Member State) iha Corea do Sul.
Treinamentu ne’e ninia objetivu mak atu hametin sistema Governasaun Dezastre no kapasidade adekuada iha Nasaun ASEAN liuhusi esplorasaun no dezafiu sira ne’ebé nasaun ida-idak hasoru, fatór vulnerabilidade, risku no dezastre lokál nomós risku perigu inklui situasaun pandemia Covid-19 nian iha mundu tomak.
Programa ne’e tuir akordu ASEAN kona-ba jestaun dezastre no responde Emerjensia (AADMER). AADMER efetivamente fasilita kooperasaun rejionál entre Estadu membru ASEAN (AMS) ne’ebé buka atu harii komunidade ASEAN nian ida ne’ebé reziliente hodi redús lakon dezastre no responde ba dezastre sira.
Objetivu husi Treinamento ne’e :
– Estabelese sistema jestaun dezastre sistematikamente liu husi fortalesimentu governasaun, lei no regulasaun.
– Hasa’e kapasidade ba Estadu membru ASEAN sira-nia resposta no jestaun dezastre nian liuhosi fahe polítika no téknika jestaun dezastre Koreia nian.
– Hezenvolve planu asaun planu DM lokál ida, tuir alvu SDPRR tarjetu E
Haforsa kolaborasaun iha futuru entre Estadu membru ASEAN no Republika Korea iha jestaun dezastre.
Treinamento ne’e halao hahu husi dia 30 Maiu to’o dia 8 Junhu 2023.
Partisipante husi treinamento nee iha 23 NDMO (National Disaster Management Officer) husi membru estadu ASEAN.
Fatin halao treinamento ne’e iha Republic of Korea (Gongju, Sejong, Seoul)
Foto & Textu, Negro GREC