Jakarta, 13 Juñu 2023 – Autoridade Proteção Civil (APC) liuhusi Gabinete Relações Externas e Comunicação (GREC) haruka nia pesoal hodi partisipa formasaun kona-bá internship programe ASEAN Socio Culture Community (ASCC) durante fulan 3 hahu 12 Junu to´o 12 Setembru 2023 iha Jakarta, Indonesia.
Intership Program ASCC ne´e mos iha reprezentante hosi ministeriu balun ne´e tama ba ASCC nian hanesan hosi Ministeriu Administrasaun Estatal ne´ebe reprezenta hosi Diretór Nasionál Adminstrasaun Lokál, Elisio Verdial dos Santos, dr. Sergio da Costa Belo (Official Programa Ministériu Saúde), Lídia A Maculada da Conceição (Diretora CFP), Emília Costa Magalhãs (pontu fokál Sekretaria Estado Arte no Kultura), Getrudis da Costa Araujo (Pontu fokal Sekretaria Estadu do Ambiente), Alexandrina Verdial de S Gama (Sub. Inspetora SEFOPE), Adão Jorge Baptista Pinto (Ministeriu Solidariedade Sosial no Inklusivu), Abel de Jesus Andrade (pontu fokál SEJD), no Henrique da Silva (pontu fokál ba Asuntu ASEAN Sekretaria Estadu Igualdade no Inkluzaun).
Objetivu programa formasaun refere atu ofisiais delegasaun sira bele hetan esperiénsia oinsa tuir enkontru ASEAN, halo relatóriu hodi aprende organiza enkontru sira kona-bá ASEAN nomós preparasaun Timor-Leste nian sai full membru ba ASEAN no hatene mós substánsia sira iha kada instituisaun sira bainhira sai membru permanente ASEAN.
“Programa ne´e importante los ba ita nia nasaun, espesialmente ba ita nia instituisaun ida-idak, inklui ba ami nia instituisaun Autoridade Protesaun Sivil ne´ebe hau mak reprezenta, no agradese ba APC ne´ebe fo ona konfiansa ba hau hodi partisipa ba programa ne´e no prontu implementa fali saida hau hetan iha ne´e depois fila fali ba Timor-Leste,” dehan Mateus da Costa, pessoal APC ne´ebe partisipa ba programa refere.
Formasaun intensivu ne’e hetan konvite husi Sekretariadu ASEAN iha Jakarta liuhusi Ministériu Negósiu Estranjéiru no Koperasaun Timor-Leste kona-bá asuntu Sosiál no Kultura hodi fó oportunidade ba kada instituisaun sira ne’ebé propoin rasik.