DA NANG (VIETNAM), 15 Junu 2023 – Timor-Leste ho Vietnam troka esperensia no informasaun iha jestaun no responde dezastre inundasaun.
Troka esperensia ne´e fahe deretamente hosi Prezidenti Autoridade Protesaun Civil (APC), Superintendente Polisia Ismael da Costa Babo, M.Sc ne´ebe akompa hosi Diretor Nasional Prevensaun Konflitos Komunitaria (DNPKK), Antonio Viegas iha ambitu inkontru ba dala 42 ASEAN Committee on Desastre Management ne´ebe realiza iha Da Nang, Vietnam.
“Iha fahe esperensia ne´e ita fahe experensia jestaun emergensia ba responde Siklonu Seroja 4 Abril 2021 ne’ebe mak afeta ba teritorio Timor tomak hodi ejiji atuasaun konjuntu husi komponente tomak hodi mobiliza Rekursus nasionais, regional no internasional hodi promove koordenasaun Civil-Militar-Policial ba utilizasaun kondisaun minimu ne’ebe maka iha ba salva komunidade sira nia vida, riku soin e protéjé meu ambiente ne’ebe efikas no efisensia,” esplika Superintendente Polisia Isamel Babo.
Entertantu hosi parte Vietnam nian ne´ebe fahe hosi Autoridade Jestor de Desastre Naturai e Acidentes Graves , hosi esperensia ne´ebe iha, Vietnam mos sai vulneravel ba dezastre naturais hanesa inundasaun no dezastre naturais sira seluk inklui asidente graves sira por kausa husi humano. Maibe, Vietnam aprende husi desastre sira ne’e ho jestaun ne’ebe diak ho vontade politika lider nasional, lider lokal inklui kontribuisaun hosi komponente tomak nia Konsiente hodi prevene mitigasaun risko dezastre no preparasaun rekursu hodi responde emergenjia no rekopera vida normalidade iha Vietnam tomak.
“Timor Leste aprende husi experensia dezastre iha Vietnam bele resiliente no benefisia hosi mitigasaun hanesan konserva bee mos ba konsume, agricuturae produsaun enerjia elektrisidade nune’e mos rezerva be´e ba tempo bailoron naruk tuir mudansa klimatika ne’ebe maka iha, tamba Vietnam tinan-tinan hetan pedidu de exportasaun fos ba nasaun barak iha mundo inklui Timor-Leste,” dehan Prezidenti APC ne´e.
Nasaun rua ne´e komitmentu hodi kria koperasaun iha entre autoridade rua nian, inklui iha inkontru bilateral ne´e Vietnam promete sei apoia APC hodi sai membrus permanente ASEAN Committee on Desaster Management hodi reprezenta Estado Timor-Leste ba assunto desastre naturais no Asidentes Graves.