Dili, 19 Juñu 2023 – Diresaun Nasionál Jestaun Risku no Dezastre (DNGRD) iha Segunda (19/6/2023) realiza atividade ida hodi realiza dessiminasaun servisu ba Jestaun Risku Dezastre ne´ebe halao iha Edifisiu APC Munisipiu Dili, Matadouru, Dili.
Objetivu husi deseminasaun ba lei ne’e atu hare liu ba oinsa papél ejisténsia servisu ajentes Autoridade Protesaun Sivíl (APC) ne’ebé sai hanesan ajente servisu estadu nian hodi halao kna’ar ho responsabilidade bazeia artigu 42, lei númeru 12/2020 de 2 de dezembru.
” Wainhira Autoridade Protesaun Sivíl halao nia papél, servisu tengki bazeia ba perparasaun, prevensaun, mitigasaun no liuhusi komunikasaun servisu bazeia ba aprejentasaun ne’ebé ho Ita nia identidade hotu atu oinsa bele mobilija ba perparasaun iha ambitu situasaun dezastre nain no oinsa iha planu ida ba alternative, koordenasaun, komunikasaun no servisu integradu iha Autoridade Protesaun Sivíl nian, hahu husi planu ba perparasaun antes no oin mai, iha ambitu dezastre nian,” dehan Diretór DNGRD, Cosme Belo.
Diretór hatutan tan, “Ita koalia mós sobre papél sira hotu ne’ebé relevansia ba kompeténsia servisu iha ajentes hahu husi estrutura tuir baze legál ida, iha liña koordenasaun hotu, oinsa atu hasoru no servisu hamutuk ba objetivu komum, liuhusi Planu redusaun dezastre, oinsa atu detekta risku dezastre ne’ebé bo’ot no oinsa bele hare ba planu ne’ebé adekuadu ba vitimas no bele hamenus kustu barak liu iha impaktu situasaun dezstresira ne’ebé iha ona identifikasaun ba fatin risku sira nian tamba, iha ona planu ba sensibilijasaun liuhusi papél servisu ba komunidade sira, iha sensibilijasaun ne’e sei foka komunidade sira oinsa atu hadomi sira nia fatin no kuidadu sira nia hela fatin, no ses’an husi risku dezastre sira, hamos/limpeza, kuida ambiente sira ne’ebé komunidade sira hela ba.”
Ezemplu atividade ne´ebe komunidade bele kontribui maka, kona ba hamos valeta hodi nune’e bele hamenus rizku dezastre iha tipu oi-oin.
Textu & Foto: Ad-bin Belo