JAKARTA, 19 Junu 2023 – Nasaun fundador Association South East Asian Nation (ASEAN) Indonesia, komitmentu hodi apoia total Timor-Leste nia membership hosi observador ba full member.
Embaixador Permanente Reprezentativu Repúblika Indonézia ba ASEAN, M. I. Derry Aman deklara asuntu wainhira simu delegasaun Timor-Leste ne´ebe partisipa iha intership program ba dezenvolvimentu kapasidade funsionariu publiku hosi ministeriu ne´ebe liga ho pilar ASEAN Social-Culture Community (ASCC).
Iha simeira nivel altu ASEAN ne´ebe realiza iha Labuan Bajo, Nusa Tenggara Timur (NTT), Indonesia, prosesu Timor-Leste atu ba full member ne´e mos tama ona iha road map ASEAN no diskuti ona hosi xefi estadu membru estadu ASEAN sira.
“Hafoin enkontru altu nível husi lideránsa ASEAN iha KTT Labuan Bajo fó ona biban ba Timor-Leste hodi tama ba roadmap ASEAN sai full membership,” esplika Derry Aman.
Iha roadmap ne´e, nia esklarese tan, Timor-Leste sei priense kriteria sira iha dezenvolvimentu Infa-Estrutura, Saúde, Edukasaun, nomós asuntus interligadu sira seluk.
“Indonézia iha komitmentu maka’as atu kontinua suporta Timo-Leste sai membru permanente ba ASEAN maske Timor-Leste dadauk ne’e hanesan nasaun membru observador no iha oportunidade legal atu partisipa iha kualker enkontru kona-ba ASEAN,” dehan Derry Aman
Alende hasoru ho embaixador refere, delegasun mos hasoru malu ho Diretora Dezenvolvimentu Rekursu Umanu ba Nível ASEAN ho fahe esperensia ba servisu iha kada ministeriu hodi bele hatene liu tan oinsa Timor-Leste nia preparasaun hodi sai full member.
Delegasaun Intership Program ASCC Timor-Leste nian ne´ebe partisipa programa ne´emaka Ministeriu Administrasaun Estatal ne´ebe reprezenta hosi Diretór Nasionál Adminstrasaun Lokál, Elisio Verdial dos Santos, dr. Sergio da Costa Belo (Official Programa Ministériu Saúde), Lídia A Maculada da Conceição (Diretora CFP), Emília Costa Magalhãs (pontu fokál Sekretaria Estado Arte no Kultura), Getrudis da Costa Araujo (Pontu fokal Sekretaria Estadu do Ambiente), Alexandrina Verdial de S Gama (Sub. Inspetora SEFOPE), Adão Jorge Baptista Pinto (Ministeriu Solidariedade Sosial no Inklusivu), Abel de Jesus Andrade (pontu fokál SEJD), no Henrique da Silva (pontu fokál ba Asuntu ASEAN Sekretaria Estadu Igualdade no Inkluzaun), Mateus da Costa (Staff GREC-APC).
Textu & Foto: Mateus da Costa