Díli, 26 Jullu 2023 –Deputado Komisaun B Parlamentu Nasionál, ne’ebé trata ba asuntu Defeza, Seguransa no Negósiu Estranjeiru halo vizita kortezeia mai edifísiu APC hodi haree progresu servisu no dezáfiu ne’ebé APC hasoru.
Vizita Komisaun B Parlamentu Nasionál simu direita hosi Sua Eselénsia Sekretáriu Estadu Protesaun Sivíl, Domingos Mariano Reis ho Prezidente APC, Superientendente PNTL, Ismael da Costa Babo.
Prezidente Komisaun B Parlamentu Nasionál, Domingos Augusto “Deker” hateten vizita kortezeia ba Autoridade Protesaun Sivil atu hatene difikuldade no progresu servisu APC nian.
“Objetivu hosi vizita kortezeia ho APC, nuudar responsavel komisaun B nian ba área defeza, seguransa no negósiu estranjeiru niha dever morál atu halo aprosimasaun atu hatene atividade hotu APC nian, ne’ebé implementa ona no planu, ne’ebé atu projeta ba futuru mai,” esplika Prezidente Komisaun B PN.
Deputado ne’e hatatun “Komisaun B nia parte hanesan reprezentante povu iha PN ami la direitamente foti desizaun maibé governu mak iha kompeténsia tomak atu foti desizaun ba preokupasaun, ami nia parte hanesan orgaun legisladór no fiskalizadór iha devér morál atu hatene difikuldade sira ne’e hodi fó parasér.”
Enkuantu, Sekretáriu Estadu Protesaun Sivíl, Domingos Mariano Reis hateten Komisaun B hanesan oragun legisladór no fisikalizadór mai haree direita kondisaun reál APC nian, ne’ebé mak enfrenta mezmu tempu bele hetan dadus ida mai apropiadu bainhira SEPS ho APC aprezenta programa orsamentu iha PN sira laiha dúvida ona no bele konvense mós Deputado sira seluk atu fó aporavasaun hodi garantia sustentabilidade APC nian hodi fó asisténsia ba komunidade sira.
Entretantu, iha vizita ne’e, Prezidente APC, Superientendente Polísia Ismael da Costa Babo aprezenta natureza servisu APC nian, lei protesaun sivil, dekrétu lei, estrutura no funsionamentu servisu ba Deputado sira
Antes konklui vizita, Deputado Komisaun B halo mós vizita hodi haree sistema no funsionamentu Sentru Operasaun 2u oras APC nian, ne’ebé mak monitoriza kona-ba rai nakdoko, tsunami, no seluk tan.