Dili, 08 setembru 2023- Prezidente Autoridade Protesaun Sivíl (APC), Superintendente PNTL, Ismael da Costa Babo akompaña hosi Adjunto Operasaun Terrestre, Martinho Fátima atende enkontru ho Forsa Armada hosi Estadu Unidos Amérika (EUA) ho Forsa Austrália nian iha edifísiu APC, Kaikoli.
Sorumutu Forsa Armada EUA ho Austrália ho Prezidente APC haree hamutuk planu prioriedade APC nian, ne’ebé iha posibilidade EUA sei apoiu tuir nesesidade ne’ebé persija.
Durante reuniaun, Prezidente APC habelár informasaun kona-ba misaun no knaar importante liga ho servisu APC nian, inklui aprezenta planu prioriedade APC ba tinan lima nian ba Forsa EUA ho Asutrália.
Hafoin konklui sorumutu, Armada hosi Estadu Unidos Amérika (EUA) ho Forsa Austrália kontinua ba observa direita Sistema no funsionamentu sentru operasaun APC nian, ne’ebé monitoriza situasaun dezastre, rai nakdoko no tsunami.
#Cipriano Mesquita