Jakarta,10 Setembru 2023-Kementrian Luar Negri-Repúblika Indonézia (Kemlu-RI) halo enseramentu Internship program ba formandu pontu fokal funsionáriu públiku Timor-Leste ninian husi liñas ministeriál sira asuntu sosiu-kultura komunidade ASEAN 2023 iha edefísiu Sentral Kemlu-RI iha Jakarta, sexta 08 Setembro 2023 foin lalais ne’e.
Program Internship ida ne’e, hanesan kapasitasaun rekursu humanu ba Funsionáriu Públiku Timor-Leste ninian iha Jakarta atu aprende prosesu enkontru sira kona-bá ASEAN, mekanizmu servisu ASEAN , protokolu ASEAN, prosedurál no substansia enkontru sira kona-bá ASEAN no oinsa ninia preparasaun sira to’o iha nia implementasaun.
Iha Enseramentu refere reprezentante Ministra Entranjéira Indonézia Sr. Rolliansyah Soemirat atual Diretúr koperasaun asuntu polítika no Seguransa ASEAN hato’o nia apresiasaun ba formandu TL ne’ebé konsege finaliza ona formasaun ne’e to’o rohan.
“Ha’u hato’o ha’u nia apresiasaun no kongratula ba formandu pontu fokal ministériu sira husi Timor-Leste ne’ebé remata ona sira nia formasaun kona-ba ASEAN ”
“Governu Indonézia iha Kompromísiu ne’ebé boot atu nafatin apoia Timor-Leste ninia adezaun ba ASEAN totalmente liuhusi planu Kapasitasaun rekursu humanu nomós sira seluk atu bele konklui mos kriteria sira ne’ebé fó hela ba Timor-Leste”, hatutan Rolliansyah Soemirat.
Iha sorin seluk xefe ekipa Delegasaun Formandu pilar Sosiu-Kultura komunidade ASEAN husi Timor-Leste Sr. Elisio Verdial dos Santos Ximenes hato’o agradesimentu barak ba Governu Indonézia nia komitementu atu dudu lalais Timor-Leste ba ASEAN.
“Ami fó agradese ba Indonézia nia komitmentu ba Timor-Leste nia adezasaun ba ASEAN liuhusi programa internship durante fulan tolu ida ne’e, hanesan parte ida importante ba ami hodi hatene prosesu sira kona-ba ASEAN nomós parte ida hodi konklui roadmap ne’ebé ASEAN fó” dehan Xefe Ekipa Delegasaun Elisio.
Enseramentu Programa Internship ida ne’e, formandu sira aprezenta relatóriu final durante tuir formasaun, estájiu iha menistériu relevante sira ligadu ho ASEAN, partisipa iha enkontru sira ASEAN, progresu balun ne’ebé bele inteira hodi foti ba implementasaun iha futuru, dezafiu tantu sujestaun nomós rekomendasaun.
Programa Internship ne’e Organiza husi Governu Indonézia liuhusi Kemetrian Luar Negri Indonesia asuntu Sosiu-Kultura ba ASEAN durante fulan tolu hahu husi 12 Juñu to’o 11 Setembro 2023.
Formandu liña ministerial ne’ebé tuir formasaun Internship programa ba pilar ASEAN Sosiu-Culture Community (ASCC) mak hanesan tuir mai ne’e :
- Elisio Verdial dos Santos Ximenes (Ministériu Estatal)
- Adão Jorge Baptista Pinto (Ministériu Solidaridade Sosial no Inkluzaun)
- Lidia Aquelina Imaculada Conceição (Komisaun Funsaun Públika)
- Alexandrina Verdial de Sousa Gama (Sekretáriu Estadu Formasaun Profesionál no Empregu)
- Sergio da Costa Belo (Ministériu Saúde)
- Getrudes da Costa Araujo (Sekretáriu Estadu Ambiente)
- Emilia Costa Magalhães (Sekretáriu Estadu Arte no Kultura)
- Abel de Jesus Andrade (Ministériu, Juventude, Desportu, Arte no Kultura)
- Henrique da Silva (Sekretáriu Estadu Inkluzaun)
- Mateus da Costa (Autoridade Protesaun Sivil/SEPC).
Foto no Textu: Mateus (GREC-APC)