e Dili- 18 Setembru 2023- Autoridade Protecão Civil (APC) liuhusi Gabinete Relasaun Externa no Komunikasaun Porta-Voz APC João de Sousa Filipe relata dadus semanál ba públiku kuaze uma kain 67 nia uma mak hetan estragus impaktu husi dezastre naturais durante semana segundu Setembru nia laran.
Informasaun ne’e relata ba Publiku Timor-Leste, hafoin APC halo konferénsia imprensa iha salaun konferensia imprensa Edefísiu Central APC Kaikoli -Dili, 18 setembru 2023.
“ Uma barak hetan sobu husi anin boot hodi estraga komunidade sira nia hela fatin no parte Autoridade Protesaun Civil Munisipál sira tun diretamente nomós fó apoia imediatamentem, emerjénsia ba komunidade sira ne’e enfrenta dezastre “ Dehan Jõao de Sousa Filipe Porta-Voz APC.
Nia reafirma Komunidade sira ne’ebé iha fatin risku sira buka kedas fatin sira ne’ebé seguru.
“Apela ba komunidade sira buka fatin ne’ebé no tenke sees-an husi fatin sira ne’ebé lori risku ba ita nia moris” subliña Porta-voz
APC Munisipál kontinua halo levantamentu no verifikasaun dadus dezastre iha fatin ida-idak nomós fó Apoia ekipamentus emerjénsia hanesan hahan no la’os hahan (food item and food item)
APC rejistu uma hamutuk 67 mak estragus liu-liu iha Munisipíu sira hanesan tuir mai ne’e:
Munisipíu Aileu ( Anin sobu uma 1), Munisipíu Ainaru ( Ahi han uma 1), Munisipíu Baucau ( anin sobu uma 14, ahi han uma 6), Munisipíu Bobonaru ( Anin sobu uma 10, ahi han uma 1), Munisipíu Dili ( Anin Sobu uma 2), Munisipíu Ermera (Anin sobu uma 15,Ahi han uma 1), Munisipíu Lautem ( Anin sobu uma 1), Munisipíu Liquisa ( Anin sobu uma , Munisipíu Viqueque ( Anin sobu uma 1).
Foto no Textu : Nato & Bety (Grec-APC)