(Dili, 22 Setembru 2023- Autoridade Proteção Civil (APC) liuhusi Gabinete Relasaun Externa no Komunikasaun partisipa follow-up workshop kona-bá Timor-Leste Strategy and Actions for Sustainable ASEAN Membership iha Salaun Nobre Ministériu Negósiu Estranjéiru no Koopersaun (MNEC) Praia dos Coqueiros Dili, Sexta 22 Setembru 2023.
Workshop ho tema prinsipál tolu mak hanesan Kresimentu Ekonómiku, Sustentabilidade no Dezenvolvimentu Rekursu umanu.
Iha diskusaun workshop ne’e identifika isu no dezafiu sira ne’ebé Timor-Leste presiza mellora di’ak hanesan Kritériu ka Roadmap ne’ebé ASEAN husu mak adopsaun ba legalizasaun sira kona-bá ASEAN, Mellora infra-Estrutura no ikus liu estabelese Embaixada nasaun Membru ASEAN ne’ebé seidauk iha Timor-Leste.
Sorumutu ne’e mós reprezentante kada pilar ASEAN hanesan Pilar Polítika no Seguransa Komunidade ASEAN, Pilar Ekonómia Komunidade ASEAN no Pilar Sosiu-Kultura Komunuidade ASEAN halo aprezentasaun badak ba planu implementasaun, progresu no dezafiu sira ne’ebé sira hasoru liga mós ba asuntu ASEAN
Workshop ne’e partisipa husi oradór Internasional, pontu fokal pilar tolu ASEAN husi kada liñas ministerial sira, seitór privadu sira no reprezentante delegasaun nasaun membru ASEAN.
Foto no Textu : Mateus GREC-APC