𝐃𝐍𝐏𝐊𝐊 𝐇𝐎 𝐃𝐍𝐒𝐏𝐏𝐏 𝐎𝐅𝐈𝐒𝐈𝐀𝐋𝐌𝐄𝐍𝐓𝐄 𝐄𝐍𝐓𝐑𝐄𝐆𝐀 𝐁𝐀 𝐌𝐈

Díli, 25 Setembru 2023-Diresaun Nasionál Prevensaun Konflitu Komunitáriu (DNPKK) ho Diresaun Nasionál Seguransa no Protesaun Patrimóniu Públiku (DNSPPP), ne’ebé tutela iha Autoridade Protesaun Sivil, Sekretaria Estadu Protesaun Sivíl (APC-SEPS) entrega ba Ministériu Interior (MI).

Serimonia entrega DNPKK ho DNSPPP ofisialmente entrega husi Sekretáriu Estadu Protesaun Sivíl, Domingos Mariano Reis akompana hosi Prezidente Autoridade Protesaun Sivil, Superintendente PNTL, Ismael da Costa Babo ba Ministru Interior, Francisco Guterres iha salaun CNE, Kolmera, hafoin iha okaziaun sorumutu alargada organiza husi Ministériu Interior kona-bá “Konsolida Setór Seguransa hodi Apoia Dezenvolvimentu Nasionál.”
Entretantu, molok mne’e, DNPKK ho DNSPPP tutela iha Autoridade Protesaun Sivíl (APC), Sekretaria Estadu Protesaun Sivíl (SEPS).

Partisipante ne’ebé sai sasin ba serimónia entrega diresaun 2 ne’e, kompostu hosi estrutura Komandu PNTL, estrutura Ministériu Interior, SEPS no estrutura APC tomak.

foto no Textu: Cipry (GREC-APC)