Dili, 22 Setembru 2023 – Autoridade Proteção Civil (APC), liuhusi Dirasaun Nasional Prevensaun Konflitu Komunitáriu (DNPKK), servisu hamutuk ho Organizasaun G7+ organiza Diálogu Komunitáriu iha Suku Vila Verde, Sexta 22 Setembru 2023.
Objetivo husi diálogu ida ne’e, atu hadia no hametin fali relasaun amizade entre timor oan hotu iha organizasaun saida de’it.
Diretor DNPCC António Viegas katak :”atu hadia no hametin fali relasaun amizade entre Organizasaun Arte Marsiais no Arte Rituais nian nebe iha pasadu naksobu tiha ona, halo komunidade no inan-aman barak mak sira sai vítima”.
Diálogu ne’e realiza hafoin DNPKK servisu hamutuk ho Organizasaun g7+
“Diálogo ne’ebé DNPKK organiza tamba servisu hamutuk ho Organizasaun g7+ hodi fasilita informasaun no hanoin diak lideransa arte Marsiais no Arte Ritual sira para forma elementos sira ho didiak no disiplina tuir relutamentu husi CRAM “, Hatutan Diretúr DNPKK
Diálogo nee mós ho prezensa CRAM nian hodi ko’alia kona-bá Lei Arte Marsiais nú 5/2017, dia 19 de Abril, esplika Atividade Arte Marsiais nian. Hodi reforsa liu tan, reprezentante CRAM husi Festil Comissáriu, Heribertus Colo dehan CRAM hamrik tamba problema husi Arte Marsiais, nune’e CRAM hala’o iha funsaun hanesan iha autoridade fo lisensa, fo sansaun no nia mos taka atividade arte marsiais nian, ho kooperasaun autoridade PNTL nian.
Intervensaun Komandante PNTL Munisípiu Dili Inspector Orlando Gomes argumenta katak atu iha paz no estabilidade xave mak komunikasaun. Diálogo ne’e, presiza iha komunikasaun ba malu, basa atu hetan paz no estabilidade presiza komunikasaun, koordenasaun no kolaborasaun ba malu”.
Tenik Orlando Gomes. Nia mos husu ba lider arte marsiais no arte rituais sira labele arogante, labele minimiza malu maibé liliu kria paz no respeita malu.
“Tuir nia katak se sidadaun hot-hotu nebe halo krime desobidiénsia tenki regula tuir lei basa papél PNTL nian mak mantein depende legalidade demokrátika perante siguransa interna ba sidadaun sira”. Orlando Gomes Salienta.
Hodi loke liutan lideransa Arte Marsiais no Rituais sira nia hanoin, Xefe Operadór Organizasaun g7+ Felix Piedade, PhD dehan “kauza konflitu mosu iha mundu tamba divizaun entre lideransa sira, “ husi esperiensia g7+ nian hare’e katak se ita la unidade nasaun seluk fasil atu hafahe ita, tamba divizaun de lideransa sira nian”.
Hodi apresia ba diálogo ne’e, reprezentante Juventude Suku Vila Verde Alarico Rodrigues de Jesus hateten, “diálogu ne’e importante tebes tamba nudar edukasaun sívika ita ba lideránsa arte marsiais no ritual sira aprende hodi implementa iha terrenu”.
Atu remata diálogu prevensaun konflitu nee, Pároku Katedral Pe. Paulus Maia hateten “konflitu mosu tamba iha kompetesaun, “konflitu mosu tamba iha kompetisaun ida ne’ebé la saudável ou la sehat la simu no la rekoñese ema seluk ninia susesu”.
Tenik Pe. Paulus. Nia hatutan tan, atu ita ema hetan perdaun ba konflitu sira ne’ebé ita hasoru mak presiza diálogu, liliu diálogu nia-an rasik hodi hetan perdaun no husi perdaun ne’e lori ita ba rekonsiliasaun ho ita ninia maluk sira.
Diálogo prevensaun konflitu ne’e loke husi Administrador Postu Administrativu Vera Cruz no partisipa husi Komandante PNTL munisípiu Dili, Reprezentante CRAM no ho prezensa Organizasaun Arte Marsiais no Arte Rituais sira.
Foto no Textu : Nato (GREC-APC)