Dili, 22 de Setembro 2023 – Autoridade Proteção Civil (APC) realiza serimonia enseramentu ba estudante estajiáriu nain 11 husi Lasama Training Centre (LTC) no CNJTL (Conselho Nacional Juventude Timor-Leste) hodi entrega sertifikadu apresiasaun ba estajiáriu sira durante fulan rua hahu husi fulan Jullu to’o Setembru iha Edefísiu Sentral APC Sexta-Feira, 22 Setembro 2023.
Estudante estajiáriu sira mós hato’o agradesimentu ba Autoridade Protesaun Sivil hahu husi Prezidente no funsionáriu sira hotu APC ne’ebé durante ne’e simu sira ho atendimentu ne’ebé mak dia’k to’o remata
Iha serimonia entrega sertifikadu Komandante Operasional Nasional APC, Superientedente Asistensia Polisia Nuno Roumaldo Gomes hato’o agradesementu ba estajiáriu sira ne’ebé mak durante ne’e kontribui maka’as ba APC.
“Apresia tebes ba servisu progessu hotu ne’ebé durante ne’e kontribui ona ba APC, ba ita bo’ot sira nia displina lealdade no dezafiu ne’ebé ita bo’ot sira hasoru hanesan determinante ba ita bo’ot sira nia susessu” Dehan Komadante Operasionál Nasional Sup. Asistente Nuno Rumualdo Gomes.
Marka Prezensa iha serimonia ne’e Komandante Operasional Nasional APC, Estrutura APC tomak no Reprezentante mestre formadór estajiáriu sira.
Foto no Textu: Bety (GREC-APC)