Dili- 25 Setembru 2023- Autoridade Proteção Civil (APC) liuhusi Gabinete Relasaun Externa no Komunikasaun Porta-Voz APC João de Sousa Filipe relata dadus semanál ba públiku kuaze dezastre naturais hanesan ahi han uma no anin sobu uma hamutuk 31, durante semana terseiru Setembru nia laran.
lia hirak ne’e, relata ba públiku Timor-Leste, hafoin APC halo konferénsia imprensa iha salaun konferensia imprensa Edefísiu Central APC Kaikoli -Dili, 25 setembru 2023.
“Semana ida ne’e akontesimentu ne’ebé bot liu mak anin sobu uma hamutuk 16, tuir mak ahi han uma no sasan hamutuk 13 no konflitu sosial 2”, tenik Porta-Voz APC Jõao de Sousa Filipe atuál Xefe Seksaun Komunikasaun APC.
Nia hatutan husi akontesimentu hirak ne’e komando Autoridade Protesaun Sivil halo ona assistênsia emerjênsia ba komunidade sira.
Munisípiu sira ne’ebé mak afeita ba akontesimentu dezastre hahu iha loron 19 to’o 25 Setembru 2023 durante Semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu uma hamutuk Xefi famílias 31 mak hetan estragus liuliu iha Munisipiu 9 hanesan tuir mai ne,e: Munisipiu Ainaro ( Ahi han uma 2), Munisipiu Baucau ( Anin sobu 6, Konflitu Sosial 2), Munisipiu Bobonaro (Anin Sobu 4, Ahi Han 3), Munsípiu Covalima (Ahi Han 1), Munisípiu Ermera (Anin Sobu 4, Ahi Han 3), Munisípiu Liquisa (Ahi Han 1), Munisípiu Manufahi (Anin Sobu 1, Ahi Han 1), ), MunicipiuViqueque (AninSobu 1 Ahi Han 1). no RAEOA (Ahi Han uma 1)
Husi akontesimentu ne’e, Autoridade Protesaun Sivil liuhusi Komando APC Munisipiu ho Parseiru sira relevante halo asisténsia salvamentu emerjénsia ba família afetadu sira kada munisípiu ne’ebé afeitadu ba dezastre naturais ne’e ho tipu hanesan Ai-han no mos laos Ai-han (food item & Non-food Item).
Iha fatin hanesan Porta Voz APC ne’e esplika mós katak “husi levantamentu dadus ne’ebé Autoridade Protesaun Sivil simu no aprova ona dezastre naturais husi tinan kotuk mai too agora hamutuk 1150 hetan apoio rekoperasaun nian, seluk hetan apoio erermerjénsia. “Husi número 1150 ne’e, uma kain hamutuk 690 mak hetan ona ajudas materiais konstrusaun enkuantu 460 mak seidauk simu no sei simu tuir kalendáriu distribui ne’ebé mak APC trasa ona”, dehan João de Sousa Filipe.
Komando Operasional Autoridade Protesaun Sivil ( APC) Munisipiu sira sei kontinua halo hela levantamentu detaillu sira kona-bá sasan ne’ebé estragus no lakon.
Foto no Textu: Nato/ Edwin(GREC-APC)