Dili- 02 Outubro 2023 – Autoridade Protecão Civil (APC) liuhusi Porta-Voz APC Anacleto Caetano atuál Diretor Relasaun Externa no Komunikasaun relata dadus dezastre naturais semanál ba públiku uma kain 42 mak hetan estragus impaktu husi dezastre natural, liuhusi konferénsia imprensa iha salaun konferensia APC Kaikoli -Dili, 02 Outubro 2023.
Tuir dadus ne’ebe APC hetan liu husi CNOPC-APC no dirasaun Bombeiros nian hahu, husi loron 26 Setembru too loron 02 Outubro semana ne’e, rejista dezastre natural hamutuk 42 nebe estraga komunidade sira nia uma no sasan ho tipu ne’ebe la hanesan.
“Total Akontesimentu dezastre iha semana ida ne’e nia laran hamutuk 42. Husi tipo dezastre ne’ebe bo’ot liu maka anin bo’ot, anin sobu komunidade nia uma hamutuk 34, Ahi han uma ho sasan hamutuk 7 no rai halai 1”, dehan Anacleto Caetano Porta-Voz APC
Porta Voz esklarese tan, Autoridade Protesaun Sivil Nasional kontinua aktualiza dadus ba públiku relasiona ho akontesimento sira dezastre naturais no ahi han uma iha territoriu nasional tomak. Munisípiu sira nebe APC rejistu afetadu ba iha dezastre naturais ne’e mak hanesan Munisipíu Baucau ( Anin sobu 9, Ahi Han 2), Munisipiu Bobonaro (Anin Sobu 4), Municipiu Ermera (Anin Sobu 17), Municipiu Lautem (Ahi Han 1), Municipiu Liquisa (Anin Sobu 2), Municipiu Manatutu (Rai Halai 1), Municipiu Manufahi (Ahi Han 3), Municipiu RAEOA (Ahi Han 1), Municipiu Viqueque (Anin Sobu 2).
Komando APC Munisipiu sira kontinua halo levantamentu no verifikasaun dadus dezastre iha fatin ida-idak atu fó Apoia ekipamentus emerjénsia ba uma kain afeitado sira, “Komando APC Munisipiu ho Parseirus Relevante fornese asistensia emerjensia ba família afetadus sira mak hanesan Ai-han no laos Ai-han (food item & Non-food Item) no Komando Operasional Autoridade Protesaun Sivil (APC) Munisípiu sira sei kontinua halo hela levantamentu detaillus kona-ba sasan ne’ebé estragus no lakon” Salienta Porta-Voz APC.
Foto & Textu: Cipri & Natu (GREC-APC)