Dili- 02Outubro 2023- Autoridade Protecão Civil (APC) liuhusi Porta–Voz APC Anacleto Caetano SS,MAP, atuál Diretor Relasaun Externa no Komunikasaun (GREC) relata dadus dezastre naturais semanál ba públiku kuaze uma kain 42 mak hetan estragus impaktu husi dezastre naturais. Informasaun ne’e relata ba públiku Timor-Leste, hafoin APC halo konferénsia imprensa iha salaun konferensia APC Sentrál Kaikoli- Dili, 02 Outubru de 2023.
Tuir dadus ne’ebé APC hetan liuhusi CNOPC-APC no dirasaun Bombeiros nian katak, hahu husi loron 26 Setembru too loron 02 Outubro semana ne’e, rejista dezastre naturais hamutuk 42 ne’ebé estraga komunidade sira nia uma no sasan ho tipu ne’ebé la hanesan.
“Total akontesimentu dezastre iha semana ida ne’e nia laran hamutuk 42 ho tipu dezastre ne’ebé bo’ot liu mak anin bot, anin sobu komunidade nia uma hamutuk 34, Ahi han uma ou sasan hamutuk 7 no rai halai 1”, dehan Anacleto Caetano iha Salaun konferensia APC Kaikoli Dili.
Tuir Porta Voz APC ne’e, Autoridade Protesaun Sivil nasionál kontinua atualiza dadus ba públiku relasiona ho akontesimentu sira dezastre naturais no ahi han uma iha territóriu nasionál tomak. Munisípiu sira ne’ebé APC rejistu afetadu ba iha dezastre naturais ne’e mak hanesan Munisípíu Baucau ( Anin sobu 9, Ahi Han 2), Munisípiu Bobonaro (Anin Sobu 4), Munisípiu Ermera (Anin Sobu 17), Munisípiu Lautém (Ahi Han 1), Munisípiu Liquica (Anin Sobu 2), Munisípiu Manatuto (Rai Halai 1), Munisípiu Manufahi (Ahi Han 3), Munisípiu RAEOA (Ahi Han 1), Muniíipiu Viqueque (Anin Sobu 2).
APC Munisipál kontinua halo levantamentu no verifikasaun dadus dezastre iha fatin ida-idak atu fó apoia ekipamentu emerjénsia sira ba uma kain afeitadu sira.
“Komando APC Munisipiu ho Parseirus Relevante fornese asisténsia emerjénsia ba família afetadus sira mak hanesan Ai-han no laos Ai-han (food item & Non-food Item) no Komando Operasional Autoridade Protesaun Sivil (APC) Munisípiu sira sei kontinua halo hela levantamentu detaillus kona-bá sasan ne’ebé estragus no lakon” Salienta Porta-Voz APC
Textu & Foto: Cipry no Nato (GREC-APC)