Dili,18 Outubru 2023- Estudantes Universidade Dili (Undil) Faculdade Engenaria, Departamentu Petróleu semester IV obrserva direitamente mai iha Autoridade Protesaun Sivil, Diresaun Nasional Bombeiros atu hatene ekipamentus Bombeiros nian atu sai sira nia material ba peskiza iha prátika relasiona ho materia ne’ebé sira hetan iha Universidade mak hanesan Saúde, Seguransa no Meiu Ambiente.
Diretor Nasional Bombeiros, Cosme Camilo da Silva iha nia edifisiu Kaikoli hateten Objetivu husi Estudantes Undil mai Observasaun mai iha Autoridade Protesaun Sivil ne’e estudantes sira oinsá atu hatene kona-ba ekipamentus korpu bombeirus sira uza hodi salva vítima sira bainhira hasoru dezastre no inséndiu.
Estudantes sira nia prezensa iha ne’e bele aumenta sira nia kuñesimentu di’ak liu kona –bá ekipamentus bombeiros ba salvamentu, materia no teoria sira hetan ona iha universidade, nune’e mak sira tun diretamente hodi observa material no ekipamentus Bombeiros nian iha Autoridade Protesaun Sivil.
Servisu Bombeiros desde nia orijén iha natureza ha’at mak hanesan, primeiru halo sokorru ba kombate insendiu, sokorru emerjénsia, sokorru anaforku no apoiu ba komunidade, natureza ha’at ne’e mak korpu bombeirus halo, liuliu ba apoiu komunidade no kombate inséndiu. “dehan diretúr Cosme Camilo da Silva
Nia mós esplika kona-ba ekipamentus hotu ne’ebé uza ba salvamentu ba kombate inséndiu no salva vida, ekipamentus ne’ebé durante korpu bombeirus uza hodi tun direta ba iha komunidade sira bainhira hasoru dezastre, uza hodi salva sira nia a’an iha risku.
Iha Sorin seluk Dosente Departamentu Petróleu Mario da Silva,L.Eng. ne’ebé akompaña Estudantes sira mai iha Dirasaun Bomberios hato’o agradesimentu ba iha Diretor Nasional Bombeirus, Komandante Korpu Bombeirus ho ekipa tomak ba atendementu ona estudante sira ho dia’k espera ita nafatin iha relasaun metin no kopera hamutuk atu nune’e iha futuru ita nafatin servisu hamutuk no apoiu malu.
Vizita husi Estudantes akompaña husi Komandante Bombeirus Munisipíu Dili, Fernando da Costa no Dosente Undil.
Foto no textu: Bety Gama (GREC-APC)