𝐀𝐏𝐂 𝐇𝐄𝐓𝐀𝐍 𝐀𝐓𝐔𝐀𝐋𝐈𝐙𝐀𝐒𝐀𝐔𝐍 𝐒𝐄𝐑𝐕𝐈𝐒𝐔 𝐊𝐉𝐃𝐒 𝐋𝐈𝐆𝐀 𝐁𝐀 𝐏𝐑𝐄𝐕𝐄𝐍𝐒𝐀𝐔𝐍 𝐃𝐄𝐙𝐀𝐒𝐓𝐑𝐄

Díli, 20 Outubro 2023-Autoridade Proteção Civíl (APC) liuhusi Adjunto Operasaun Marítima, Serafim da Costa, ho Adjunto Operasaun Áero, Mariano Ana Lopes simu audiénsia ekipa hosi Mata Dalan Instituto (MDI), Ra’es Hadomi Timor Oan (RHTO) ho Komisaun Jestaun Dezastre Suku (KJDS) Manleuana.

Iha audiénsia, parte MDI aprezenta Planu Intregradu Asaun Komunitáriu (PIAK) no atualiza mós progresu servisu Komisaun Jestaun Dezastre Suku (KJDS) Menleuana liga ba servisu prevensaun risku dezastre iha suku Manleuana.

Durante aprezentasaun, MDI husu ba APC atu konsidera servisu KJDS, no atu inklui KJDS iha atividade APC nian ba asuntu redusaun risku dezastre nomós envolve KJDS iha Konsellu Dezastre Suku Protesaun Sivíl nian, karik sei establese hosi parte APC iha futuru mai.

Foto & textu : Cipry (GREC-APC)