Dili, 31 Outubru 2023-Prezidente Autoridade Proteção Civíl (APC), Superintendente PNTL, Ismael da Costa Babo akompaña hosi Diretór Sentru Formasaun, Claudio da Silva, Adjunto Operasaun Áero, Mariano Ana Lopes atende reuniaun, ho ekipa hosi Secretariat of the Pacific Regional Environment Programme (SPREP) iha edifisiu APC, Kaikoli.
Reuniaun ekipa SPREP kompostu hosi Mr. Lance R. Richman nu’udar Technical Waste Project Officer Hazardous Waste, Mr. Bradley Nolan Project Manager introdús sira servisu kona-bá sustainable, transformative and resilient for a Blue Pacific, inklui projetu Pac Waste Plus Project Timor-Leste.
Hafoin rona tiha introdusaun servisu hosi SPREP, Prezidente APC, Superintendente PNTL, Ismael da Costa Babo hateten sente kontente tebes ho prezensa ekipa SPREP iha enkontru ida ne’e, tanba bele hametin kolaborasaun servisu hamutuk hodi apoiu APC iha futuru mai.
“Sente kontente tebes ho ita-nia hasoru malu ida ne’e, bele iha kolaborasaun servisu hamutuk APC ho Pacific Community no SPREP iha futuru mai, nomós husu atu fó kapasitasaun ba rekursu umanu iha APC nu’udar instituisaun foun,” haktuir Prezidente APC.
Durante sorumutu, Primeiru Lideránsa APC introdús mós ezisténsia no servisu APC nian iha atendementu ba situasaun dezastre no emerjénsia iha territóriu Timor-Leste.
Fontes Informasaun APC