Dili, 7 Novembru 2023- Autoridade Proteção Civil (APC) liuhusi Komandante Operasaun Nasional Superintendente Assistente Polísia Nuno Romualdo Gomes akompaña husi Adjunto Aero Mariano Ana Lopes, partisipa workshop ho tema kolókiu kona-bá Implementasaun Salvaguarda Nukleár Internasionál sira ba desizór no Parte-Interesada Relevante sira iha Timor-Leste.
Atividade workshop ne’e hala’o iha, Maubara Room, Timor Plaza Dili, durante loron tolu, hahu husi dia 7-9 Novembru 2023 ne’ebé fasilita husi MNEC.
Objetivu husi workshop ne’e, Hasa’e koñesimentu kona-bá salvaguarda nukleár internasionál ;
Workshop ne’e diskuti mós kona-bá benefísiu sira husi aplikasaun pasífiku husi siénsia no teknolojia nuclear atu realiza objetivu sira ba dezenvolvimentu nasionál; Identifika nesesidade kapasidade no infra-estrutura ba implementasaun salvaguarda IAEA iha Timor-Leste.
Intervensaun iha workshop ne’e Diretor ba Asuntu Nasoens Unidas iha MNEC Samuel Soares hateten “Workshop ne’e importante atu oinsa Timor- Leste bele kompriende didi’ak liuhusi ninia tékniku ofisiál sira ne’ebé reprezentante ministériu hot-hotu iha ne’e no benefisiu husi workshop ida ne’e, fila-fali ba liña ministeriál sira trasa sai programa no atividade ba ita nia rain no assisténsia saida mak ita presiza husi workshop ida ne’e”.
Nia hatutan tan, workshop ida ne’e importante lo’os tamba Timor-Leste deside atu hola parte ba iha konvensoens naun-Proliberasaun Armar Kímikas. no ida ne’e atu ita kumpri obrigasaun katratadus sira ne’ebé fó mai ita nudar estadu parte.
Iha fatin hanesan Ian Cameron, aprezentador ba workshop ne’e hateten, “akordu kona-bá Salvaguarda sira aprovada liuhusi konsellu Governador Ajénsia Internasionál ba Energia Atómiku (IAEA)”.
Nia hatutan tan, utilizasaun posetivu husi Nukleár mak Hospitál sira, Kímiku Industriál sira, kompañia esplorasaun petroleum sira, Manufaktura vidru koloridu no seluk tan.
Ian Cameron dehan Nukleár iha asaun ba destroisaun humana, ne’e mundu kondena, atu termina.
Cameron husu atu reprezentante husi liña ministeriál sira atu kompriende didi’ak husi workshop ne’e ninia importánsia ba iha implementasaun planu no atividade kada ministériu ida-idak nian hodi desenvolve rai Timor-Leste iha futuru.
Partisipa iha Workshop ne’e, representante husi Komandante Operasionál Nasionál Superintendente Assistente Polísia Nuno Romualdo Gomes, Reprezentante husi F-FDTL, reprezentante husi Ministériu Justisa, Ministériu Petróleo Rekursus Minerais, MCI, reprezentante husu Ministériu Agrikultura no Pescas, Eletricidade Agua e Saneamentu, reprezentante husi Secretario Estadu Floresta, MNEC no ho prezensa Embaixada Amérika no Australia iha Timor- Leste.
Workshop ne’e, realiza tamba serbisu hamutuk entre Department of Energy (DOE), National Nuclear Securty Administration (NNSA) no International Safeguards Engagement Program (INSEP) husi Estadus Unidaus Amérika, liuhusi Embaixada Amérika iha Timor-Leste ho Gabinete Embaixada Australia iha Timor-Leste Australiana ba Salvaguarda no Naun-Proliferasaun (ASNO) no fasilita husi MNEC
Foto & Textu: Nato (GREC-APC)