Dili, 15 Novembru 2023-Prezidenti Autoridade Proteção Civíl (APC) Sup. Polísia Ismael Da Costa Babo, Ensera Worshop Validasaun Previzaun ho Liña Ministeriál sira iha Timor Plaza Kuarta-Feira ne’e.
Prezidenti APC, hateten ohin “ workshop validasaun previzaun ho lina ministeriál sira ne’e ha’u akompaña preokupasaun no sujestaun hosi reprezentante liña ministerial sira, sai mós xavi susesu ida, ba ita nia relatóriu ida ne,e mós sai giaun no matadalan ba ita nia preparasaun hasoru dezastre”
Lideránsa másimu APC ne’e dehan “Autoridade Protesaun Sivíl moris, ita bele dehan katak tinan hirak liu ba lakon tia tempu lubuk ida, maibé sai mós motivasaun ba ita, iha 2010 kuandu lei seguransa nasionál aprova, iha momentu ne’ebá, aprova kedas lei defesa nasional no lei seguransa interna, e tuir lolos memomentu ne’eba aprova kedas lei seguransa sivil, maibé tinan 2020 mak foin aprova lei protesaun sivil, ho nune’e maka protesaun sivíl hambriik, hodi kompleta sistema 3 lei seguransa nasionál nian “
APC nia responsabilidade, hodi proteje sidadaun sira nia vida, riku soin no meiu ambiente, lei seguransa nasionál deskreve sira nia misaun, ida ne’e mak agora dadaun protesaun sivil hamrik ho nia estrutura ne’ebé mak agora dadaun bele dehan foun, maibé atu haforsa ida ne’e ami servisu hamutuk ho liña ministerial sira.
Prezidenti ne’e esplika “ lei protesaun sivíl ne’e deskreve klaru katak, ajénsia protesaun sivíl nian mak liña ministeriál, sidadaun sira hotu, mós seitor privadu sira ne’e mak ajénsia protesaun sivíl, hodi kulker situasaun amesa saida de’it ita sei servisu hamutuk.
Protesaun sivíl sei garantia ba nia rekursu rasik kuandu akontesementu dezastre boot ona ba nivel 2 kontijénsia ona ne’e husu liña ministeriál sira nia tulun kuandu dezastre afeita ba minisípiu 6 ka 8 ita nia liña ministeriál sira ne’e ita mak apoia malu, deklarasaun kalamidade, ita loke odamatan ba nasaun doadores sira”
APC ho funsionáriu sira tomak, agradese obrigadu wain teb tebes, ba reprezentante liña ministerial sira, diretór jerál sira, diretór nasionál sira, departamentu sira hotu ne’ebé mak marka prezensa iha ne’e, imi hotu nia tulun imi hotu nia kontribuisaun apoiu para mellora ita nia relatóriu sira ne’e mais forte hodi submete ba Nova Yorke.
Textu no Foto: Negro (GREC-APC).