Dili,15 Novembru 2023 -Autoridade Proteção Civil (APC) hala’o workshop Validasaun Revizaun hamutuk ho Liña ministerial sira hodi ko’alia konaba konsultasaun ba parte interesante sira hotu hanesan liña Ministeriál sira, Institutu Estadu nian nomós parseiru dezenvolvimentu sira inklui organizasaun laos governu nian nune’e atu halo hotu relatóriu molok submete ba UNDRR.
Autoridade Protesaun Sivíl servisu hamutuk ho UNDRR ho liña Ministeriál sira objetivu Sendai ne’e oinsa atu Prevene risku dezastre liu husi implementasaun ba sasukat/ aksaun iha ekonomia, legal,sosiál, saúde, kultura, edukasaun, ambiente, teknolojia, polítika no instituisaun ida ne’ebé integradu no inkluzivu hodi prevene no redus perigu no vulnerabilidade ba dezastre, hasa’e nível preparasaun atu responde no haforsa reziliénsia.
Iha Abertura S.E Secretariu Estadu Protesaun Sivil, Domingos Mariano Resi, hateten, “Agadese ba Nai Maromak, ohin hamutuk ho liña ministeriál sira hotu ne’ebé maka partisipa iha loron ohin hodi fo kontribuisaun ba relatóriu redusaun risku dezstre ninian, tuir mai Ha’u nia respeitu ba UN Resindiense, ha’u nia respietu ba prezidenti APC, ba reprezetante director sira husi liña ministerial sira hotu, ne’ebé partisipa ba loron ohin, ba asesor PNTL sira diretór nasionál sira
Objetivu ba sorumutu ne’e, importante tebes ba ita hotu presiza halo validasaun ba relatóriu redusaun médiu tempu, ba enkuadramentu sendai redusaun riksu dezastre, iha Timor- Leste, segundu desiminasaun polítika nasionál, ba redusaun risku dezastre iha Timor-Leste, no objetivu terseiru maka solitiasaun kontribuisaun ba elabrorasaun relatóriu, ne’ebé husu lina ministerias sira atu kontribui, ita boot sira nia ideia no hanoin, para ita finaliza ita nia relatóriu sira, hodi haruka relatóriu ba nasones unidas, liuhosi MNEC.
SEPC husu “ ba liña ministeriál sira hotu, protesaun sivil mesak sei labele halo buat ida, tamba emtermus rekursu humanus, rekursu finaseiru rekusru logistika, rekursu fasilidade sira, la sufisente atu bele responde emerjénsia iha Timor- Leste, tamba ida ne’e nudar governante husu apoiu, hosi liña ministeriál sira atu ita hotu hamutuk ho forsa ida de’it atu bele defini forsa traballu hodi bele responde dezastre iha ita nia rain”
SEPC husu linha minsterias sira atu apoiu ita boot sira nia hanoin, ideia ne’ebé di’ak para ita bele finaliza ona, valida relatóriu ba redusaun risku dezastre,
Iha Oportunidade ne’e Kordenador Rejilénsia Nasoen Unidas Alex Tilman, kompromete Nasoens Unidas kontinua apoiu Governu Timor-Leste Iha área téknika nomós lojístika .
Pontu fokál UNRCO Serilio de Jesus Lobo Baptista Hateten “ Enkuadramentu Sendai nudar padraun global ida, Iha mundu uza hodi implementa sira nia atividade no programa sira liga ba redusaun riksu dezastre ninian
Workshop ne’e abertura husi S.E. Sekretáriu Estadu Protesaun Sivil, Domingos Mariano Reis iha Timor Plaza, partisipa direitamente husi Prezidenti Autoridade Protesaun Sivil, Sup. Polisia Ismael da Costa Babo.
Textu no Foto: Negro (GREC-APC)