Dili, 17 Novembru 2023- Autoridade Proteção Civíl (APC) liuhusi Komandante Sentru Formasaun Claudio da Silva dada lia ho Jornalista média APC kona-bá Progressu no Servisu Sentru Formasaun iha nia edifísiu APC Kaikoli Dili Sexta- Feira ne’e.
Komandante Sentru Formasaun hateten, hahu kriasaun sentru formasaun APC, katak atividade sentru formasaun halo formasaun ba entidade lubuk ida, maibé hahu husi diresaun ne’ebé mak tutela ba iha APC mak ba iha kadetes bombeirus sira sia nulu resin ne’en (96).
Sentru formasaun mós servisu hamutuk ho parseiru sira no diresaun ne’ebé mak tutela ba assuntu ne’e, nomós hala’o primeiru formasaun ba sokorru ho intervensaun ba iha ita nia entidades balun no mós iha parte suku sira mós husu atu ita bele hato’o no trasforma kuñesimentu ba sira atu bele hatene no mós halo formasaun ba membru sira iha instituisaun atu nune’e bele fahe sira nia kuñesimentu ba iha sira nia servisu loron-loron no formasaun ba iha area marítima nian, “ dehan Claudio.
Komandante sentru formsaun mós salient liu tan katak, Sentru formasaun mós servisu hamutuk ho parseiru sira iha Dili, no atu halo formsaun kona-ba buska no salvamentu ba membru balun no mós formasaun ba iha ordem unida hahu husi ita nia profesionais Autoridade Protesaun Sivíl ne’e hahu husi nasional to’o iha munisípiu ha’at ona mak halo ona forasaun no ita uza orsamentu jeral estadu nian.
“ Nia akresenta liu tan katak, Sentru formasaun rasik iha métodu hodi uza ba formasaun hanesan, material balun ita hato’o no teorikamente ita tenki prátika atu nune’e sira bele iha kuñesimentu, no material balun ita la presiza prátika tamba bainhira situasaun balun akontese sira foin aplika
Formasaun sira ne’e básika tenki iha ona ita nia sistema pedolojia ensinu nian, maibé dau-daun ne’e ami sei halo kordenasaun diretamente ho instituisaun relevante sira no ministériu sira tamba ita tama sai liuhusi odamatan ida, ho ida ne’e mak CFAPC sei halo kordenasaun ho Prezidenti APC, Komandante Operasaun Nasional APC, Externa no Komunikasaun (GREC) ba Orientasaun sira ne’e “ Tenik nia”.
Komandante sentru formasaun mós esplika kona-ba kuríkulum sentru formasaun hanesan, sei servisu liu tán ho Universidade sira kona pedidu asuntu ida ne’e no mós la taka dalan. Sentru formasaun mós presiza tebes Asesor atu apoiu ami hodi bele realiza servisu sira ne’e.
“Aleinde ne’e mós nia esplika tan katak, parseiru sira ne’ebé servisu hamutuk ho sentru formasaun iha vontade tebes-tebes no halo komprimisiu atu apoiu oinsá atu dezenvolve ita nia kuríkulum ida ne’ebé mak razoavél no funsiona hanesan nasaun ida nian, no parseiru sira ne’e mós ajuda ekipamentus sira hodi suporta b iha sentru formasaun.
Sentru formasaun mós iha planu ba tinan 2024 nian katak iha tinan 2023 ita la konsege halo sei kontinua fila fali iha tinan oin, kompletu fali formasaun ne’ebé seidauk to’o iha munisipíu sira atu nune’e bele konklui fila fali no esforsu balun importante liu ita tenki iha kuríkulum rasik bele sai hanesan mata-dalan ka orientasaun ba ita oinsá ita atu halo formasaun ruma, no ita hetan rekuñesimentu ruma husi ANNA ba futuru ita tenki prienxe rékezitu hanesan ita tenki dezenvolve kuríkulum, ita sei kopera ho parseiru Nasional no internasional,” Dehan Nia”.
Foto & Textu : Cipry , Bethy, Gama (GREC-APC)