Dili, 21 Novembru 2023 –Tersa-Feira ne’e, Autoridade Proteção Civil (APC) reprezenta husi Adjuntu Aero Mariano Ana Lopes hanesan Prezidenti Komisaun Organizadora no Asesór APC Yoga Sofyar halo enkontru ho Ekipa MNEC iha Salaun MNEC Praia dos Coqueiros Dili.
Objetivu husi Enkontru ne’e, ekipa Autoridade Protesaun Sivíl ho MNEC deskuti konaba ajenda no protokolu oinsa simu reprezentante delegasaun Nasaun 20 husi Ázia Pasífiku hodi partisipa iha semináriu Internasionál Humanitarian Sivíl-Military, ne’ebé sei hala’o Timor Leste.
Tuir ajenda ne’ebé parte rua diskuti katak delegasaun husi Nasaun 20 ne’e sei too iha Timor-Leste, iha loron domingu 3 Dezembru 2023.
Semináriu Internasionál Humanitarian Sivíl-Military ne’e sei hala’o durante loron tolu hahu iha loron 4-6 Dezembru 2023.
Partisipa iha enkontru ne’e, Diretor Jeral MNEC Leonito Manetelo, Embaixada Austrália Reprezenta husi Maijen Allon Carter, UN Resiliénsia iha Timor-Leste reprejenta husi Alex Tilman enkuanu APC partisipa husi Asesór APC Yoga Sofyar no Adjunto Aero Mariano Ana Lopes.
Foto/Textu: Nato (GREC-APC)