𝐈𝐧𝐝𝐨𝐧𝐞́z𝐢𝐚, 𝟐𝟕 N𝐨𝐯𝐞𝐦𝐛𝐫𝐮 𝟐𝟎𝟐𝟑–𝐅𝐮𝐧𝐬𝐢𝐨𝐧𝐚́𝐫𝐢𝐮 𝐀𝐮𝐭𝐨𝐫𝐢𝐝𝐚𝐝𝐞 𝐏𝐫𝐨𝐭𝐞ção C𝐢𝐯𝐢𝐥 (𝐀𝐏𝐂) 𝐡𝐚𝐦𝐮𝐭𝐮𝐤 𝟐𝟎 𝐤𝐨𝐦𝐩𝐨𝐬𝐭𝐮 𝐡𝐨𝐬𝐢 𝐟𝐞𝐭𝐨 𝟏𝟏 𝐧𝐨 𝐦𝐚𝐧𝐞 𝟗, 𝐡𝐚𝐡ú 𝐭𝐮𝐢𝐫 𝐟𝐨𝐫𝐦𝐚𝐬𝐚𝐮𝐧 𝐢𝐧𝐭𝐞𝐧𝐬𝐢𝐯𝐮 𝐝𝐮𝐫𝐚𝐧𝐭𝐞 𝐬𝐞𝐦𝐚𝐧𝐚 𝟐, 𝐡𝐚𝐡𝐮́ 𝐡𝐨𝐬𝐢 𝟐𝟕 N𝐨𝐯𝐞𝐦𝐛𝐫𝐮 𝐭𝐨’𝐨 𝟎𝟕 D𝐞𝐳𝐞𝐦𝐛𝐫𝐮 𝟐𝟎𝟐𝟑 𝐢𝐡𝐚 𝐒𝐞𝐧𝐭𝐫𝐮 𝐓𝐫𝐞𝐢𝐧𝐚𝐦𝐞𝐧𝐭𝐮 𝐒𝐦𝐢𝐥𝐞 𝐆𝐫𝐨𝐮𝐩, Y𝐨𝐠y𝐚𝐤𝐚𝐫𝐭𝐚.
Enkuantu, serimónia abertura ba formasaun ne’e ofisialmente loke hosi Komandante Operasaun Nasionál APC, Superintendente Asistente PNTL, Nuno Romualdo Gomes, ho Diretór Smile Group, Rahman Wahyu Widadi, SE.
Iha biban ne’e, Komandante Operasaun Nasionál APC, Superintendente Asistente PNTL, Nuno Romualdo Gomes hateten ho treinamentu ba funsionáriu APC nu’udar pasu ida atu hasa’e kapasidade rekursu umanu iha APC.
“Sente onradu tebes bele loke ofisilamente programa treinamentu ba rekursu umanu no teknolójia informasaun ba funsionáriu APC. Ho prezensa hotu-hotu nian iha formasaun hanesan evidénsia lolos ho komitmentu atu dezenvolve ita-nia kapasidade hanesan pasu importante hodi haforsa abilidade instituisaun nian,” hateten Komandante Nuno.
Segundu Lideransa APC konsidera treinamentu la’os inisiativa de’it, maibé parte ida hosi programa governu TL nian hodi dezenvolve kapasidade setór públiku liuliu APC.
Ba Smile Group, Komandante haktuir “APC iha TL kaer papel importante atu proteje no tulun komunidade iha situasaun emerjénsia ne’ebé hala’o knaar ho efetivu, tanba ami persiza elementu prinsipál atu kompleta hanesan rekursu umanu no teknolójia informasaun ne’ebé saudavél.”
Nia esplika rekursu umanu la’os haree ba abilidade tekniku, maibé mós lideransa ne’ebé forte, komprensaun klean kona-ba nesesidade komunidade nian, ho nunee liuhusi treinamentu nu’udar pasu hodi haforsa rekursu uman APC
“Ho programa treinamentu ne’e, atu suporta vizaun governu nian Estadu nian hodi atinje atendimentu públiku” esplika Komandante APC Nasionál. Ikus, Komandante Nuno lori Governu TL nia naran liuliu APC hato’o obrigadu ba Diretór ho treinadór Smile Group liuhusi servisu hamutuk bele kapasita funsionáriu APC.
Iha fatin hanesan, Diretór Smile Group, Rahman Wahyu Widadi, SE hateten liuhusi koperasaun servisu iha formasaun ida ne’e hamutuk ne’e sei fó benefísiu di’ak liubá APC liuliu kontribui ba dezenvolvimentu Timor-Leste nian.
“Ami Smile Group hato’o obrigado barak ba APC, ne’ebé fó konfiansa tomak ba ami atu servisu hamutuk hodi konbtribui ba dezenvolve rekursu umanu APC no dezenvolvimentu TL nian,” hateten Diretór Smile Group.
Nia fundamenta objetivu hosi treinamentu atu suporta dezenvolvimentu no kapasitasaun rekursu umanu APC iha área oioin, ne’ebé tuir nesesidade APC nian.
Dirijente Sentru Treinamentu konsidera Timor-Leste hanesan maun alin, família ida signifika ho ligasaun servisu hamutuk ida ne’e persiza dunik, atu implementa hodi tulun dezenvolve TL ho lalais no ami mós sente orgullu bele kontribui.
Entrentantu, programa formasaun foku liubá área 9 hanesan akuntabililidade orsamentu, auditória interna bázika ba orsamentu, administrasaun modernu liga ba microsoft excel, operadór kamera drone, estatístika baze dadus, jestaun rekursu umanu, jestaun planeamentu orsamentu no programa, média komunikasaun visuál, jestaun lojístika.
Funsionáriu tuir formasaun kompostu hosi Diresaun Nasionál Jestaun Rekursu (DNGR), Gabinente Inspesaun Auditória Interna (GIAI), Diresaun Nasionál Jestaun Risku Dezastre (DNGRD), Gabinete Planeamentu Estratéjiku no Asesória (GPEA), Gabinete Relasaun Externa no Komunikasaun (GREK) no Sentru Nasionál Operasaun (CNOP), Gabinete Prezidente APC ho Sentru Formasaun, ne’ebé sei foku ba área formasaun tuir natureza servisu hosi dirasaun ida-idak nian.
Funsionáriu sira ne’ebé tuir formasaun Smile Group Jogjakarta;
- Odete Calado GIAI
- Maria Manuela Pereira DNGR
- Agostinha da Silva DNGR
- Sebastiana Viegas Soares DNGR
- Petrolina da Costa de Jesus DNGR
- Veronica Eva M. G. de Sousa DNGR
- Madalena Abu Siri dos Santos DNGR
- Jose Bana Quefi DNGR
- Antonio M Ataide Soares DNGR
- Jacob Tefa DNGR
- Jose Gusmão SENTRU FORMASAUN
- Marito Freitas Pinto GPEA
- Palmira da Luz Ferreira GABINETE PAPS
- Cesaltino Martins GABINENTE PAPS
- Bangracia Pires DNGRD
- Tito de Conceição Pinto DNGR
- Maria Antonia Soares CNOP
- Julio Gusmao CNOP
- Lindalva Gomes DNGR
- Cipriano Mesquita GREK
Foto/Textu: Cipry (GREC-APC)