๐๐๐ง๐๐ญ๐ฎ๐ญ๐จ, ๐๐ D๐๐ณ๐๐ฆ๐๐ซ๐ฎ ๐๐๐๐-๐๐ฎ๐ญ๐จ๐ซ๐ข๐๐๐๐ ๐๐ซ๐จ๐ญ๐๐ฌ๐๐ฎ๐ง ๐๐ข๐ฏ๐ข๐ฅ ๐ฅ๐ข๐ฎ๐ก๐ฎ๐ฌ๐ข ๐๐จ๐ซ๐ฉ๐ฎ ๐๐จ๐ฆ๐๐๐ข๐ซ๐จ๐ฌ ๐๐ฎ๐ง๐ข๐ฌ๐ข๐ฉ๐ข๐ฎ ๐๐๐ง๐๐ญ๐ฎ๐ญ๐จ ๐ซ๐๐๐ฅ๐ข๐ณ๐ ๐ฌ๐๐ซ๐ข๐ฆ๐จ๐ง๐ข๐ ๐๐ง๐ญ๐ซ๐๐ ๐ ๐ค๐๐ซ๐๐ญ๐ ๐๐ฎ๐ญ๐จ ๐ญ๐๐ง๐ค๐ ๐๐จ๐ฆ๐๐๐ข๐ซ๐จ๐ฌ ๐ง๐จ ๐ข๐ง๐ค๐ฅ๐ฎ๐ข ๐ฉ๐๐ซ๐ญ๐ข๐ฅ๐ฅ๐ ๐ข๐ง๐๐จ๐ซ๐ฆ๐๐ฌ๐๐ฎ๐ง ๐ค๐จ๐ง๐-๐๐ ๐๐ฌ๐ญ๐๐๐ฅ๐๐ฌ๐ข๐ฆ๐๐ง๐ญ๐ฎ ๐๐จ๐ซ๐ฉ๐ฎ ๐๐จ๐ฆ๐๐๐ข๐ซ๐จ๐ฌ ๐ฆ๐ฎ๐ง๐ข๐ฌ๐ข๐ฉ๐ข๐ฎ ๐๐๐ง๐๐ญ๐ฎ๐ญ๐จ ๐ง๐ข๐๐ง.
Komandante Operasaun Nasional, Autoridade Protesaun Sivil, Superintendente Asistente PNTL, Nuno Romualdo Gomes iha serimonia entrega hateten “Serimonia ne’e oportunidade di’ak ida ba Korpu Bombeiros Manatuto hetan apoiu kareta auto tanke bombiros PSM hodi hakbiit liutan kapasidade servisu operasional ba situasaun emerjensia nian.
Prezidente Interinu haktuir ezistensia Korpu Bombeiros munisipiu Manatuto foin mak estabelese iha tinan 2023.
“Dezenvolvimentu ba APC Manatuto persija ami forma ba parseiru no ajente sira. Korpu Bombeiros munisipiu Manatuto foin mak establese hodi hahu servisu operasional iha tinan 2023,” esplika Komandante.
Nia informa edifisiu Bombeiros entrega hosi Administrador munisipiu Manatuto hodi sai espasu ida ba servisu operasional Bombeiros nian, ho membru efetivu 31.
Komandante hahtutan Bombeiros iha Manatuto ho rekurus no fasilidade limitadu hodi hahu halo servisu operasional iha Manatuto hodi apoiu komunidade sira no apoiu atividade governu nian.
“Korpu Bombeiros ninia servisu mak atu kombate insendiu, primeiru sokorru, halo lavajen, prevensaun fatin risku no tesi ai tohar neebe estraga uma no edifisiu publiku sira, maske ho fasilidade limitadu,” hateten Komandante Nuno.
Liga ba bailoron naruk liga mudansa klimatika, Komandante hateten Korpu Bombeiros halo ona intervensaun barak hodi fornese bee atu apoiu komunidade sira.
Segundu Lideransa APC akresenta bainhira atu atinje servisu APC, kompetensia APC nian atu halo kordenasaun ho lina mnisterial, parseiru internasional, nasional, ONG, inklui komunidade sira hodi fo resposta ba hasoru dezastre liga ba prevensaun no mitigasaun, resposta emerjensia, mezmu halo rekoperasaun.
Nia esklarese foin lalais iha Manatuto, APC fo ona apoiu rekoperasaun ba maluk vitima dezastre naturais hosi insendiu, rai halai, anin boot sobu uma no inundasaun.
Iha fatin hanesan, Sekretariu Munisipiu Manatuto rekonese servisu Korpu Bombeiros todan tanba faan sira-nia vida hodi salva ema selu nia vida.
Reprezentante Administrador Munisipiu hateten ho ekipamentu no kareta ne’ebe iha bele reforsa ona servisu Bombeiros Manatuto nian hodi halo prevensaun ba kombate insendiu.
Entretantu, serimonia entrega kareta asiste mos hosi Komandante PNTL, Munisipiu Manatuto, Lina Ministerias, Lideransa Komunitaria no Organizasaun Naun Govermental.
Foto/Textu: Cipry (GREC-APC)