Dili, 18 Dezembru 2023- Ekipa Kompaña Globál hosi USA kompostu husi Diretor Globál Operations Prama, Maarten Van Driel no Senior Diretór Prama Global Ron Sargent, segunda-Feira ne’e aprezenta ekipamentus tais be’e ho marka Deltacore ba Prezidente Autoridade Protesaun Sivíl, Superintendenti Polisia Ismael da Costa Babo, akompaña husi Komandante Operasaun Nasionál APC Superintendente Asistente PNTL, Nuno Romualdo Gomes hamutuk ho estrutura APC nian.
Aprezentasaun Mákina Deltacore ne’e, iha resintu Autoridade Protesaun Sivil, Kaikoli Dili.
Objetivu husi sorumutu ida ne’e hodi halo promosaun ba filtro ho naran Deltacore hodi produz be’e foer bele tais sai fila fali be’e mós, Filtro Deltacore ne’e bele uza iha momentu inundasaun sira bainhira komunidade sira hasoru be’e laiha, nune’e bele trasforma fali husi be’e ne’ebé foer bele tais sai be’e mós hodi ita bele utiliza.
Observasaun Média Apc, Hafoin Halao Aprezentasaun Ekipa Hosi Kompaña refere, hala’o kedas demonstrasaun hodi tais be’e foer trasforma ba be’e mós uza ekipamentus refere, entrega ba Prezidenti Apc hodi teste.
Senior Director Prama Global, Ron Sarget,Ed.D hateten, prezensa ekipa refere, atu ajuda no asiste Timor Leste liuhusi APC hodi desenvolve no aumenta be’e mos iha Timor-Leste no ekipamentu Filtro Deltacore ne’e ita utiliza bele to’o tempu naruk.
Ekipamentus refere, kuñesidu iha nasaun Estadus Unidos Amérika, España, Alemana Austrália.
Foto/Textu, Nato/Bety (GREC-APC)