DILI, 29 Dezembru 2023, Autoridade Proteção Civil (APC) liuhusi Porta Voz-APC, relata dadus semanál hahu husi loron 23-29 fulan Dezembru nian. Atividade ne’e, realiza iha salaun konferénsia APC Kaikoli, Dili Sexta-Feira semana ne’e.
Liu husi salaun konferénsia, Porta Voz APC João de Sousa Filipe hateten, Autoridade Protesaun Sivil (APC) Nasional kontinua aktualiza dadus ba públiku relasiona ho akontesimentu sira dezastre naturais no anin sobu uma iha territoriu nasional tomak tuir dadus ne’ebé CNOP-APC rejista ona. Nia hatutan, Munisípiu sira nebe APC rejistu afetadu ba iha dezastre naturais ne’e mak hanesan Munisipíu Ainaro, Bobonaro, Baucau, Ermera, Lautem, Likisá no RAEOA, ho akontesimentu hanesan xefi de familia hamutuk 37 afeitadu ba dezastre naturais no mate 1.
“Hahu iha loron 23 Dezembru to’o 29 Dezembro 2023 Durante Semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu uma hamutuk Xefi famílias 37 mak hetan estragus ho mate 1 ne’ebé mai husi Munisipiu sira hanesan : Munisípiu Ainaro (Anin sobu 3), Munisípiu Bobonaro (Ahi han uma 1), Munisípiu Baucau (Anin sobu 4, Inundasaun estragus uma 21 no Ahi han 1), Munisípiu Ermera (Anin Sobu 1), Munisípiu Lautem (Anin sobu 1 no mate 1); Munisípiu Likisa (Anin sobu uma 3) no RAEOA (Anin sobu 2)”.
Porta Voz APC ne’e salienta liutan katak ba familia afeitadus sira, komando APC Munisípiu servisu hamutuk ho Parseirus hodi fornese ona assisténsia emerjénsia ba família afetadus sira
“Komando APC Munisipiu ho Parseirus Relevante fornese asistensia emerjensia ba família afetadus sira mak hanesan Ai-han no laos Ai-han (food item & Non-food Item) no Komando Operasional Autoridade Protesaun Sivil (APC) Munisípiu sira sei kontinua halo hela levantamentu detaillu sira kona-bá sasan ne’ebé estragus no lakon” Salienta Porta-Voz APC.
Autoridade Protesaun Sivíl mós alerta nafatin ba populasaun sira atu hadok an husi fatin sira ne’ebé ameasadu tamba agora dadaun iha tempo udan. Nune’e buka hela iha fatin ne’ebé seguru no dok husi foho lolon, dok husi mota ninin no tasi ibun.
Foto/Textu: Nato/Cipry (GREC-APC)