Dili, 08 Janeiru 2024 – Autoridade Proteção Civíl (APC), liuhusi porta-voz APC Cesário da Silva Marques, atuál Diretór Gabinete Relasaun Externa no Komunikasaun (GREC), kontinua relata dadus akontesimentu husi semana primeiru fulan Janeiru ba Públiku hahú husi dia 30 Dezembru 2023 to’o dia 08 Janeiro 2024, Xefi de Familia 9 afeitadu ba dezastre no ema 1 lakon vida. Lia hirak ne’e hato’o husi Cesário da Silva Marques iha salaun APC Kaikoli Dili, Segunda-Feira Semana ne’e.
Porta-Voz APC ne’e, haktuir katak iha semana primeiru fulan Janeiru nian liuhusi dadus ne’ebé mai husi Sentru Nasionál Operasoens Protesaun Sivíl (CNOPC-APC) rejistu uma hamutuk xefi familia 8 mak hetan estragus no ema 1 durante akontesimentu dezastre naturais iha kada Munisípiu.
“Dadus ne’ebé maka relata ne’e Hahu husi dia, 30 de Dezembro de 2023 too dia 08 de Janeiru 2024, durante semana ida ne’e, iha Timor-Leste normál no akontese dezastre maka CNOPC-APC rejista uma hamutuk xefi familia 9 mak hetan estragus ho mate 1, liliu husi Munisípiu sira hanesan tuir mai: Bobonaro, rai halai kauza husi udan bot sobu uma 1; Covalima, mate 1 tamba mota lori kauza husi udan boot; Ermera, ahi han uma 1 tamba Sirkuitu eletrisidade; Likisa, Anin Sobu uma 1; Lautem, Ahi han uma 1 tamba Serkuitu eletrisidade; RAEOA, Anin Sobu uma 2 no Ahin han 1 no Vikéké, Anin sobu uma 2”, haktuir Cesario da Silva Marques.
Cesario da Silva Marques hatutan “Vítima afeitadu sira, Autoridade Protesaun Sivíl iha dever ida liuhusi komando APC Munisípiu sira nafatin servisu hamutuk ho parseiru sira hodi halo ona apoiu emerjénsia ba familia afeitadu sira,
Husi akontesimentu dezastre naturais sira hotu durante tinan 2023 nian, dadus ne’ebé tama iha Sentru Nasionál Opersaun Protesaun Sivíl-APC hahú husi Janeiro-Dezembru 2023, hanesan tuir mai
Uma ne’ebe mak hetan desastre naturais hamutuk 2977
Ema mate ka lakon vida hamutuk 36, Ahi han uma hamutuk 348, Uma anin sobu hamutuk 129, Uma estagus husi inundasaun hamutuk 811, Rai halai estragus uma hamutuk 570,Tasi sae ka laloran estraga uma 2, konflitu social 25, asidente por umanu 57, Ema kanek 20, Ema lakon mota lori ka lafaek lori lakon nain 3
Entertantu ba Uma ne’e mak tama ba kategoria hetan rekuperasun hamutuk 2006, Seidauk hetan rekuperasaun tamba sei iha hela verefikasaun hamutuk 503.
Diretor ne’e haktuir tan katak Husi Janeiru too Dezembru APC apoiu ona materiais konstrusaun ba Xefe familia uma kain 1499. Husi 1499 ne’e mak hetan rekuperasaun uma at total hamutuk 568, uma estragus at naton 263 no uma at kaman 638.
Liuhusi monitorizasaun, ne’ebé mai husi Sentru Nasionál Operasaun Protesaun Sivíl, Porta-Voz APC ne’e mós kontinua alerta ba komunidade sira atu hadok-an husi fatin sira ne’ebé mak konsidera risku wainhira udan bot, anin boot, no rai nakdoko, nune’e mos rai dokumentus importante sira iha fatin seguru.
Foto &Textu: Nato/Bety/Cipry (GREC-APC)