Dili, 08 Janeiru 2024-Autoridade Protesaun Sivíl (APC), liuhusi Centro Nasional Operasoens Protesaun Sivíl, ho Ajensia AND.I.P loke tenderizasaun sosa ekipamentus Elektrónika no Call Center ba APC atu monta iha CNOP stenby iha 7/24.
Prosessu tenderizasaun ne’e, aprezenta husi António Abel Guterres atuál Jeneral Coordenator GCF Project, Autoridade Nasionál Designada Para Combate Ás Alterações Climáticas (ADN,IP.) iha Salaun APC Kaikoli, Segunda-Feira Semana ne’e.
Objetivo husi loke tenderizasaun ne’e, Jeneral Coordenador GCF Project, António Abel Guterres hateten AND.IP, fo oportunidade ba kompaña sira bele mai submete dokumentos ba iha komisaun hodi oinsa suplay ekipamentos ba APC nian.
“Tenderizasaun ne’e ba kompañia Lokál no Internasionál bele partisipa hodi submete dokumentus mai,” haktuir António.
Tenderizasaun ne’e Ho ninia Kriteria maka hanesan: Eligibilidade no kritéria formal; Kritéria Administrativu; kritéria Teknikal; Kritéria Finansiál no Kritéria Kualifikasaun”.
Tuir Jeneral Coordenator GCF Projecto António Abel Guterres, deadline ba tenderizasaun, iha dia 29 de Janeiru 2023. Dokumentus ne’ebé kompañia sira atu submete bele liuhusi email/ Online no bele liu mos husi kopia dokumentus, fatin iha fometo, rua: Dom Boaventura, Mandarin Dili. Enkuantu ba informasaun sira ne’ebé la klaru, Nain ba Projeitu sei fo oportunidade too dia 19 de Janeiru atu hetan klarifikasaun.
Kompañia sira ne’ebé hola parte iha prosesu tenderizasaun ne’e mak: Simlie Timor Unip. Lda; E724 Unip.Lda; Fiki Lay; JOSLYEIN METHA Unip.Lda; Fantija Unip.Lda; Ilgrigiopardo. Lda; VisiMitra; Gejera Furak; Green Mota Ain Unip.Lda no Steqque Unip.Lda.
Fundus ba tenderizasaun ne’e, mai husi GREEN Climate Fund no fo ba AND.I.P atu loke tenderizasaun ba kompañia sira hodi sosa ekipamentus ba Autoridade Protesaun Sivíl nian. partisipa iha enkontru ne’e, APC, PMU, AND.IP, TIK Timor hamutuk ho kompañia sira.
#Natu Soares#