Dili, 10 Janéiru 2024-Autoridade Proteção Civil (APC) liuhusi Gabinete Relasaun Externa no Komunikasaun partisipa Senior Official Committee of ASEAN (SOCA) meeting iha Ministériu Solidaridade Sosial no Inkluzaun (MSSI) , Kuarta-feira dia 10 Janéiru 2024.
Workshop ho tema “ASEAN TRAVELING RESOURCE PERSONS PROGRAMME” sei realiza durante loron 2 hahú husi loron 10 to’o 11 iha enkontru salaun MSSI hanesan programa ida importante husi pilar ASEAN ba Sosiu-Kultura Komunidade ASEAN ho baze atu hasa’e kapasidade Timor-Leste kona-bá programa sira iha ambiente ASEAN ne’ebé dinamika tebes.
Ho nia objetivu prinsipal 3 mak hanesan ;
- Demostra liutan koñesimentu serbisu ASCC (ASEAN Socio-Cultural Communitty) nia liñas ministerial , iha enkontru ASEAN sira no ninia mekanismu serbisu ne’ebé prezisa iha responsabilidade
- Hatudu kapasidade ne’ebé nesesáriu nune’e bele efektivu ho substansia partisipasaun iha kualker enkontru ASEAN ninian
- Identifika substansia sira ne’ebé nesesária kona-bá asuntu tékniku nomós preparasaun ba administrasional oinsa atu responsabiliza ka lidera enkontru sira kona-bá ASEAN.
Workshop ne’e, hetan partisipasaun maka’as husi kada pontu fokais ASEAN husi kada liñas ministerial ne’ebé lidera husi MSSI hanesan SOM Leader ASCC ba Timor-Leste.
Oradór mai husi ASEAN Secretariat (ASET) DR. Benjamin Loh no Jenifer Santos.