Dili-22 Janéiru 2024, Autoridade Proteção Civil (APC) liuhusi Porta-Voz APC, Cesario da Silva Marques, Atuál Diretor Gabinete Relasaun Externa no Komunikasaun (GREK), relata dadus dezastre Naturais durante semana datolu Fulan Janéiru nian hamutuk xefi familia 49 mak hetan estragus, vítima nain 4 lakon vida (Mate). Lia hirak ne’e hatoo husi Diretór GREK ba Jornalista sira iha Salaun Konferénsia Imprensa APC Kaikoli Dili, Segunda – Feira ne’e.
Cesário da Silva Marques hateten, durante Semana ida ne’e, iha rejiaun Timor-Leste normál no akontese tipu dezastre maka CNOPC-APC rejistu uma hamutuk Xefi famílias 49 mak hetan estragus, Vitima nain 4 Lakon Vida (Mate). Nia salienta tan, akontesimentu dezastre naturais hirak ne’e, mak hanesan: anin estragus uma ho kuantidade boot hamutuk 36, Ahi han uma hamutuk 8, rai halai 5, lakon vida nain 4., ne’ebé afeitadu husi Munisípiu 8 mak Aileu, Baucau, Bobonaro, Covalima, Ermera, Likisa, RAEOA no Viqueque.
“ Hahu husi Janeiru, APC, rejistu uma hamutuk Xefi famílias 49 mak hetan estragus, Vitima nain 4 Lakon Vida (Mate) husi Munisipiu Aileu (Anin Sobu uma 2); Baucau (Anin sobu uma 5, Ahi han uma 3); Bobonaro (Anin sobu uma 1, Ahi han uma 2, Rai halai estragus uma 3); Munisipiu Covalima (Anin sobu uma 9, Ahi han uma 3); Ermera (Anin sobu uma 9, Rai halai estragus uma 2); Munisipiu Liquiça (Anin Sobu uma 3, vitima lakon vida 3); RAEOA (Anin sobu uma 1), Municipiu Viqueque (Anin Sobu Uma 3, vitima lakon vida 1)”, haktuir Porta Voz APC, Cesario da Silva Marques. Reprezentante APC ne’e, esklarese liutan, Komandu APC Munisipiu ho Parseirus Relevante fornese asistensia emerjensia ba família afetadus sira mak hanesan Ai-han no laos Ai-han (food item & Non-food Item ). Komandu Operasional Autoridade Protesaun Sivil (APC) Munisipiu sira sei kontinua halo hela levantamentu detaillu sira kona-áa sasan ne’ebe estragus no lakon.
Iha oportunidade ne’e mos, Cesario da Silva Marques liuhusi previzaun husi Meteorologia (WMO, BOM. BMKG no DNMG-TL) no Monitorizaba Earthquake ka rai nakdoko liuhusi GTS, Website, Email, SMS no Regional Tsunami Service Provider (RTSP) Indonesia, Australia no India.
CNOPC-APC kordena ho DNMG-MTC, observa kondisaun Tempu iha rejiaun Timor-Leste hahu husi dia 22-26 de Janeiro 2024, hakarak informa ba komununidade em geral iha teritóriu Timor laran tomak katak, tuir observasaun husi modelu metrolójia kona-bá previzaun tempu ba semana ida ne’e (22-26/01/2024) hatudu katak maioria atmosfera sei instavel ka kalohan taka, iha ne’ebe sei favoreze udan ho intensidade husi Moderadu ba Forte liuliu iha kosta Norte,Oeste no rejiaun Foho, preferencialmente iha parte lokraik no iniciu kalan.
Iha sorin seluk, diretór ne’e mos hateten iha semana ne’e mós alem de udan se akompaña mós ho anin ne’ebé hu’u- ho velosidade naton ba forte ( 17-31 km/h) iha rejain kosterias no rejiaun Foho. Temparatura másimu atinji to’o 32oC iha rejiaun Kosteras (Dili, Covalima, Viqueque, RAEOA, Bobonaro no Baucau) no iha rejiaun foho sira másimu 27oC.
Enkuanto kondisaun laloran tasi nia a’as sei (Varia husi 0.7-1.7 m) tantu kosta Norte no Sul (Normal-Moderadu).
F/T: Bety, Nato, Cipry (GREC-APC)