+670 77879422 grec@apc.gov.tl

Dili, 29 JanΓ©iru 2024- Prezidenti Autoridade ProteΓ§Γ£o Civil (APC), Superintendente PNTL, Ismael da Costa Babo hamutuk ho Komandante Operasaun NasionΓ‘l APC, Superintendente Asistente PNTL, Nuno Romualdo Gomes konvoka sorumutu ho diretΓ³r gabinete, diretΓ³r diresaun, xefe departamentu, xefe seksaun no pontu fokΓ‘l finansas hodi atualiza progresaun servisu ho planu atividade 2024.

Prezidente APC Superintendente PNTL, Ismael da Costa Babo lidera reuniaun ne’e hateten β€œIta-nia enkontru ida ne’e kada fulan hodi planea no update situasaun nomΓ³s progresaun servisu saida mak ita halo no saida mk ita atu rezolve.”

Durante sorumutu, parte diretΓ³r gabinete ho diretΓ³r diresaun aprezenta orsamentu ho planu atividade ida-idak nian, ne’ebΓ© sei implementa iha primeiru trimestre to’o kuatru trimestre iha tinan 2024.

Iha biban ne’e, DiretΓ³r NasionΓ‘l Jestaun Rekursu, VirgΓ­lio dos Santos Soares aprezenta dekrΓ©tu lei nΓΊ. 05/2024, 18 janeiru kona-ba ezekusaun orsamentu jerΓ‘l (OGE) 2024 sei la’o tuir ninia regras.

Alende sorumutu, Prezidente APC mΓ³s aprezenta Asesora IndonΓ©sia ida, ne’ebΓ© finansia hosi IOM hodi fΓ³ apoiu APC iha Γ‘rea espsΓ­fika responde emerjΓ©nsia no preparasaun intgresaun ba ASEAN nian.

Β 

Textu/Foto: Cipry (GREC-APC)

Β 

X