Dili, 05 Janeiru 2024-Funsionáriu hosi Ministériu Interior, Sekretária Estadu Protesaun Sivíl, Autoridade Protesaun Sivíl partisipa iha serimónia isar bandeira primeira semana, fulan fevereiru, ne’ebé preside hosi Sua Exelénsia Sekretáriu Estadu Protesaun Sivíl, Domingos Mariano Reis iha resintu Ministériu Interior, Vila-Verde.
Iha diskursu, Sua Exelénsia Sekretáriu Estadu Protesaun Sivíl, Domingos Mariano Reis ezije ba funsionáriu Ministériu Interior, SEPS ho APC atu mantein disiplina no profesionalizmu.
Haree ba partisipasaun funsionáriu balun tarde iha serimónia isar bandeira, Governante ne’e husu ba Gabinete Inspesaun no Auditária Interna MI ho SEPS atu toma nota ba funsionáriu sira, ne’ebé la dixiplina.
“Tenke dixiplina, mantein disiplina, mantein profesionalizmu ne’e importante iha organizasaun no instituisaun sira,” hateten SEPS.
Sekretáriu Estadu hateten servidór estadu mai tarde ne’ebé la leál, onestu no laiha disiplina tanba husub GIA MI ho SEPS atu toma responsabilidade identifika naran hodi presta deklarasaun.
Entretantu, Nia esklarese ba funsionariu públiku atu hatene nia devér espesiál hatais roupa ne’ebé mós no kaber, la autoriza funsionáriu hatasi kalsa levis mai servisu fatin, persija lee iha estatutu Komisaun Funsaun Públika 8/16 Junho 2004 kona-ba ita-boot sira-nia knaar, devér no direitu.
Foto & Textu: Cipry (GREC-APC)