𝐗𝐄𝐅𝐄 𝐅𝐀𝐌𝐈́𝐋𝐈𝐀 𝟐 𝐄𝐕𝐀𝐊𝐔𝐀 𝐌𝐀𝐈 𝐄𝐃𝐈𝐅𝐈́𝐒𝐈𝐔 𝐀𝐏𝐂, 𝐇𝐀𝐅𝐎𝐈𝐍 𝐒𝐎𝐅𝐑𝐄 𝐈𝐍𝐔𝐍𝐃𝐀𝐒𝐀𝐔𝐍

Dili, 07 fevereiru 2024- Hafoin udan boot durante oras 2 nia laran, Sua Exelénsia Sekretáriu Estadu Protesaun Sivíl, Domingos Mariano Reis, ho ekipa Autoridade Protesaun Sivíl (APC) evakua provizóriu Xefe família 2, ne’ebé sofre ba inundasaun hosi suku Bekora mai iha edifísiu APC, Kaikoli.

Xefe família 2 hela hamutuk iha uma ida kompostu ho membru família na’in 5, adultu nain tolu no labarik nain rua, ne’ebé hela iha Bekusi, suku Bekora.

Daudaun membru família sira ne’e, parte SEPS-APC asegura ona vítima sira iha fatin seguru no fornese mós hahan manas, toba fatin no roupa hatais ba vítima sira.

Alende evakua vítima sira, Komandu APC munisípiu apoiu no fornese mós hahan manas ba vítima inundasaun, ho ema difisiente sira, ne’ebé lokaliza diresaun Bekusi, suku Bekora.

 F/T: Cirpy (GREC-APC)