𝐀𝐔𝐒𝐓𝐑𝐀́𝐋𝐈𝐀 𝐒𝐄𝐈 𝐀𝐏𝐎𝐈𝐔 𝐏𝐋𝐀𝐍𝐔 𝐏𝐑𝐈𝐎𝐑𝐈𝐃𝐀𝐃𝐄 𝐆𝐎𝐕𝐄𝐑𝐍𝐔 𝐋𝐈𝐔𝐇𝐎𝐒𝐈 𝐒𝐄𝐏𝐂

Dili, 08 fevereiru 2024-Sua Exelénsia Secretário Estado Proteção Civil (SEPC) atende enkontru ho Primeiru Sekretariadu ba Edukasaun, Dizastre, Umanitária, Department of Foreign Affairs and Trade (DFAT), Fiona Meehan hosi Austrália hodi ko’alia kona-ba DFAT nia apoiu ba planu prioriedade governu TL liuhosi SEPC ba Autoridade Protesaun Sivíl (APC).

Sua Exelénsia Sekretáriu Estadu Protesaun Sivíl (SEPC) hateten Austrália liu hosi DFAT ninia prezensa iha enkontru ne’e atu fortalese koperasaun ho Protesaun Sivíl, no aliña sira-nia programa tuir IX governu konstitusionál nian liuliu iha Protesaun Sivíl nian.

Governante ne’e esplika ho aliñamentu programa governu nian, atu nunee lebele mosu dupla programa, selae mosu dupla programa entre parseiru ho governu.

SEPC hateten “DFAT atu fó tulun, programa importante liuliu mak rezilénsia komunidade nian hasoru dezastre, kapasitasaun rekursu umanu prioriedade boot ba Protesaun Sivíl, inklui sei apoiu tékniku espesilizada ida hodi apoiu Protesaun Sivíl liuliu ba dezenvolve kurikulum no kapasitasaun rekursu umanu.”

Iha fatin hanesan, Primeiru Sekretariadu-DFAT, Fiona Meehan deklara Austrália prontu apoiu governu TL liuhosi Protesaun Sivíl tuir prioriedade ne’ebé governu iha.

“𝘼𝙢𝙞 𝙝𝙖𝙧𝙚𝙚 𝙡𝙞𝙪 𝙗𝙖 𝙜𝙤𝙫𝙚𝙧𝙣𝙪 𝙏𝙇 𝙣𝙞𝙣𝙞𝙖 𝙥𝙧𝙞𝙤𝙧𝙞𝙚𝙙𝙖𝙙𝙚 𝙣𝙤 𝙜𝙤𝙫𝙚𝙧𝙣𝙪 𝘼𝙪𝙨𝙩𝙧𝙖𝙡𝙞𝙖 𝙞𝙝𝙖 𝙣𝙚’𝙚 𝙥𝙧𝙤𝙣𝙩𝙪 𝙖𝙩𝙪 𝙨𝙪𝙥𝙤𝙧𝙩𝙖 𝙡𝙞𝙪𝙝𝙪𝙨𝙞 𝙎𝙚𝙠𝙧𝙚𝙩𝙖́𝙧𝙞𝙪 𝙀𝙨𝙩𝙖𝙙𝙪 𝙋𝙧𝙤𝙩𝙚𝙨𝙖𝙪𝙣 𝙎𝙞𝙫𝙞́𝙡 (𝙎𝙀𝙋𝙎). 𝙋𝙡𝙖𝙣𝙪 𝙥𝙧𝙞𝙤𝙧𝙞𝙙𝙖𝙙𝙚 𝙥𝙖𝙧𝙩𝙚 𝙜𝙤𝙫𝙚𝙧𝙣𝙪 𝙣𝙞𝙖𝙣 𝙗𝙖 𝘼𝙪𝙩𝙤𝙧𝙞𝙙𝙖𝙙𝙚 𝙋𝙧𝙤𝙩𝙚𝙨𝙖𝙪𝙣 𝙎𝙞𝙫𝙞́𝙡 𝙣𝙤 𝙨𝙖𝙞𝙙𝙖 𝙢𝙖𝙠 𝙞𝙩𝙖 𝙗𝙚𝙡𝙚 𝙠𝙤𝙡𝙖𝙗𝙤𝙧𝙖 𝙙𝙞’𝙖𝙠 𝙡𝙞𝙪𝙩𝙖𝙣 𝙗𝙖 𝙤𝙞𝙣 𝙖𝙩𝙪 𝙖𝙥𝙤𝙞𝙪”, esplika Primeiru Sekretariadu-DFAT, Fiona Meehan.

Reprezentante DFAT ne’e mós akresenta iha posibilidade governu Austrália sei suporta ba iha vítima dezastre iha Timor-Leste tuir prioeidade hosi governu TL nian.

Entretantu, enkontru envolve mós Komandante Operasaun Nasionál APC, Superintedente Asistente PNTL, Nuno Gomes, Diretór Gabinente Relasaun Externa no Komunikasaun (GREK), Cesario da Silva Marques, Diretór sesante DNGRD, Agustinho Cosme Belo no Asesór Yoga Sofyar.

T/F: Cipry(GREC-APC)