Dili, 06 Fevereiru 2024- Prezidenti Autoridade Proteção Civil (APC), Superintendente Polisia Ismael da Costa Babo, akompaña husi Diretór GPEA Paulo Exposto ho Diretór DNGR, Virgilio dos Santos Soares, Tersa-Feira ne’e iha salaun APC, Kaikoli.
Entretantu, formasaun durante loron rua ne’ebé partisipa husi funsionárius kontratadu/ kazuais hamutuk 111 iha Salaun APC Kaikoli Dili.
Iha diskursu, Prezidente APC, hateten funsionário sira ne’ebé foin remata formasaun sei koloka ba Munisipiu, Posto Administrativo no ba suku sira tuir nesesidade servisu nian.
“Ita-boot sira foin remata formasaun ne’e atu tun ba Munisípiu, komandante Munisípiu sira sei koloka imi ba to’o Posto no ba to’o suku sira hodi atende komunidade sira winhira hetan dezastre.”, tenik Ismael da Costa Babo.
Prezidente APC ne’e argumenta, liu husi formasaun ne’e hanesan bukae atu funsionáriu sira prátika iha servisu fatin nune’e buka atu aprende no labele moe atu husu wainhira la kompriende. Nue’e, Ismael da Costa Babo enkoraja nafatin funsionário sira wainhira tun ba baze buka atu servisu hamutuk ho Autoridade lokál sira hodi hakman servisu sira.
“ Ita ninia rekursus la barak iha suku sira, iha postu sira, tamba ne’e buka halo interaksaun ho popilasaun sira importante, tamba iha dezastre ruma itabot sira mesak deit iha suku labele halo buat ida, iha suku ne’e iha kooperasaun ho Autoridade lokál i liliu joven sira. Ih ita-nia servisu hamutuk hodi fo tuluk ba ita nia komunidade sira, proteje ita ninia inan-aman sira, feton sira, difisiente sira, inan isin rua sira nebe presija ita nia tulun,” esplika Lideransa APC ne’e.
Iha oportunidde ne’e, Prezidente APC husu ba formando sira: primeiru promove espíritu voluntário ba komunidade sira atu halo komunidade sira pertense ba iha ajente voluntáriu Protesaun Sivíl nian. Tuir fali promove espíritu soridariedade tamba servisu prinsipál ida husi APC mak solidariedade, hodi labele hare ba arte marsiais, rasa kuantu mais partidu polítika.
Ikus liu, Nia husu nafatin ba funsionáriu ne’ebé sei destaka ba iha Munisípiu, Posto no Suku sira,, iha komunidade servisu hamutuk nafatin ho autoridade lokal sira hodi buka oinsa halo prevensaun no mitigasaun ba risku dezastre liuhusi reflorestasaun no edukasaun sívika ba populasaun sira.
Nato(GREC)