𝐆𝐑𝐄𝐊 𝐊𝐎𝐍𝐕𝐎𝐊𝐀 𝐄𝐍𝐊𝐎𝐍𝐓𝐑𝐔 𝐊𝐎𝐏𝐄𝐑𝐀𝐒𝐀𝐔𝐍 𝐒𝐄𝐑𝐕𝐈𝐒𝐔 𝐇𝐎 𝐀𝐇𝐏, 𝐖𝐅𝐏, 𝐓𝐓

Dili-Autoridade Proteção Civil (APC) liuhusi Diretór Gabinete Relasaun Externa no Komunikasaun (GREK), Cesario da Silva Marques ho Diretór sesante DNJRD, Agustinho Cosme Belo iha 06 fevereiru 2024 semana kotuk konvoka enkontru koperasaun servisu ho Australian Humanitarian Partnership (AHP), World Food Programme (WFP) no kompañia Timor Telekom (TT).

Liu hosi enkontru APC-GREK ho AHP ko’alia pontu importante kona-ba CARE sei fornese pakote nonfood item hanesan kitchen item 260 sets, dignity 270 sets no shelter item 430 sets hodi tulun vítima inséndiu munisípiu liu hosi APC.

Alende apoiu, AHP mós sei envolve APC servisu hamutuk halo monitorizasaun mensál ba implementasaun atividade sub nasionál, AHP sei submete relatóriu progresu implementasaun programa ba APC semestrál no partilla mós servisu AHP nian liga ho planu sensibilazasaun ka edukasaun sívila ba komunidade no estudante sira (school recilience).

Iha parte seluk, enkontru APC-GREK ho WFP foka liubá asuntu ensiál ligadu ho WFP nia apoiu kona-bá kareta truck 15 no prosesu transporta ospitál mobile, ne’ebé sei estebelese nota entendementu ida entre WFP ho APC.

Hafoin reuniaun ho AHP ho WFP, Diretór GREK no Diretór sesante DNJRD, Agustinho Cosme Belo hasoru malu ho ekipa tékniku TT hodi ko’alia kona-ba estableseimentu nota entendementu hodi divulga informasaun ka mensajén ba prevensaun dezastre.

Cipry (GREC-APC)