𝐕𝐈́𝐓𝐈𝐌𝐀 𝐈𝐍𝐔𝐍𝐃𝐀𝐒𝐀𝐔𝐍 𝟑𝟖, 𝐈𝐍𝐊𝐋𝐔𝐈 𝐃𝐈𝐅𝐈𝐒𝐈𝐄́𝐍𝐒𝐈𝐀 𝐇𝐎 𝐁𝐄𝐁𝐄 𝟏 𝐄𝐕𝐀𝐊𝐔𝐀 𝐌𝐀𝐈 𝐄𝐃𝐈𝐅𝐈́𝐒𝐈𝐔 𝐀𝐏𝐂

Dili, 16 fevereiru 2024- Governu liuhosi Sua Exelénsia Sekretáriu Estadu Protesaun Sivíl (SEPC), Domingos Mariano Reis akompaña hosi Prezidente Autoridade Protesaun Sivíl (APC), Superintendente Polísa Ismael da Costa Babo hamutuk ho forsa traballu APC nian evakua provizóriu vítima afeitadu inundasaun hamutuk 38, mai iha edifísiu APC, Kaikoli.

Dadus provisóriu ne’ebé APC rejista vítima 38, inklui ema difisiénsia 1, bebe 1, katuas ho idade 50 ba leten nain 2, ferik ho idade hosi 30 to’o 50 hamutuk nain 8, labarik idade hosi 5 to’o 10 hamutuk nain 10, joven feto 12, joven mane 6, no inan fó susu nain 1.

Entreantu, vítima 38 kompostu hosi uma kain 9, hosi Bekusi no Bekora Kakeu Laran, ne’ebé afeita ba inundasaun kauza hosi udan ho intensidade boot iha Dili laran.

Enkuantu, vítima sira ne’e, parte SEPS-APC asegura ona vítima sira iha fatin seguru no fornese mós hahan manas, bee hemu, toba fatin, toila, lipa/kambatik, manta no roupa hatais ba vítima sira.

Cipriano (GREC-APC)