Dili – 16 Fevereiro 2024-PrezidentI Autoridade Proteção Civil (APC), Superintendente Polisia Ismael da Costa Babo, akompana husi Adjunto Aero, Mariano Ana Lopes, Kinta-Feira ne’e partisipa iha Seminário nível ASEAN ho ninia tema mak SEMINÁRIU BA TIMOR-LESTE KONA-BÁ KESTAUN SEGURANSA-POLÍTIKA SIRA IHA KOMUNIDADE ASEAN BA SEGURANSA-POLÍTIKA NIA OKOS, ne’ebé realiza iha Maubara Room Timor Plaza Dili semana ne’e.
Iha oportunidade hanesan, Prezidente Autoridade Protesaun Sivíl ne’e sai hanesan orador ba iha semináriu refere, liuhusi intervensaun Prezidente APC mensiona fali lejislasaun sira kona-bá Protesaun sivíl liga ho Lei Seguransa Nasionál 2010 nian no mós papel Protesaun Sivíl nian ba partisipantes sira
“Hau hakarak aprezenta pontu balun kabe ba Lei Seguransa Nasionál iha tinan 2010 hanesan hamon mundiál nian no oinsa Timor-Leste define seguransa atividade husi divizaun ida-idak husi forsa defeza no integrasaun atividade, servisu forsa seguransa nian no ajénsia protesaun sivíl nian”.
Ismael Babo Salienta tan, espesifikasaun Lei Protesaun Sivíl artigo 10 Lei Seguransa Nasionál, defini kona-bá kooperasaun servisu entre entidade hotu nian hodi hala asaun prevensaun ba asidente grave, katástrofe no efeitu husi mitigasaun iha sirkunstánsia dezastre bazeia ba servis prinsipál APC nian mak prepara planu, koordena no implementa polítika Protesaun Sivíl nian.
Nia subliña, “APC iha vizaun ba halo liña koordenasaun ho ajénsia sira liga ba asidente grave no katástrofe no rekoñese progresu hodi dezenvolve polítika planu responde ba dezastre ho estratejia institusionál, multi ajénsia ho nível nasioná no lokál ba futuru”.
Ismael da Costa Babo akresenta liutan katak prioridade APC nian mak investre ba iha programa dezenvolvimentu kapasidade iha rekursus nian atu oinsa bele prepara assisténsia koordena koletivu ba asaun responde internasionál bazeia ba planu emerjénsia nasionál no plano responde globál ba dezastre liuhusi ekipa apoio humanitária.
Semináriu refere ofisiálmente loke husi Adjunta Embaixadora Australia ba Timor-Leste Suzy Wilson Uilelea ho Adjunta Xefi Misaun Australiano ba ASEAN, Caroline Scott hamutuk ho reprezentante husi Timor Leste nian mak Vice ministra ba Assuntu ASEAN, Milena Maria da Costa Rangel.
Partisipa iha semináriu ne’e, reprezentante husi liñas ministeriais sira ho ajénsia internasionál no nasionál sira inklui sosiedade sivíl sira. Semináriu ne’e, halao durante loron rua hahu husi loron 15 to’o 16 Fevereiru 2024 no fasilita husi Governu Ausralia liu husi Embaixada Australia iha Dili. # Natu Soares (GREC-APC)