Ermera,19 Abril 2024- Autoridade Proteção Civil (APC) Munisipiu Ermera hala’o atividade Sensibilizasaun kona-bá Prevensaun no Preparasaun Hasoru Fenomena LA NINA no EL NINO no mos perigu natural seluk tan ba populasaun sira ne’ebe hela iha fatin risco dezastre, Autoridade Protesaun Civil (APC) Dekretu Lei Nu. 7/2021 no Papel Bombeiros iha Suku Lauana Postu Administrativu Letefoho Munisipiu Ermera.
Objetivu Husi Sensibilizasaun ne’e atu hakle’an koñesementu Lideránsa Komunitariu nian ba servisu Diresaun Nasional Gestaun Risku Dezastre DNGRD Munisipiu Ermera no Servisu Korpu Bombeiros Munisípiu Ermera nian faselitadór ba atividade refere segundu Komandante Operasional Autoridade Protesaun Civil (APC) Munisípiu Ermera Francisco Maia no Rep.Xefe Departamentu DNGRD Munisipiu Ermera no mós funsionáriu DNGRD Munisipiu Ermera.
Segundo Komandante Operasional Autoridade Protesaun Civil Munisipio Ermera Francisco Maia Nafatin apela ba komunidade hotu iha Suku Lauana laran tomak atu nafatin antisipa tamba agora ne’e tempu udan boot.
Partisipa iha Atividade refere Segundo Komandante Operasional Autoridade Protesaun Civil (APC) Munisipio Ermera, Rep. Xefe Departamento DNGRD Munisipiu Ermera, Funcionariu DNGRD Munisipiu Ermera, Xefe suku Lauana, Komandante PNTL Posto Lauana, Xefe Aldeia, Komunidade.
Media APC Munisipiu Ermera.