Dili, 19 abril 2024, Autoridade Protesaun Sivil (APC) hamutuk ho parseiru FAO ho Red Cross Climate Center (RCCC) organiza workshop kona-bá validasaun final Roteiru Asaun Antisipatóriu (AA) iha Auditóriu Arkivu no Muzeu Rezisténsia, Liceu.
Sua Exelénsia Sekretáriu Estadu Protesaun Sivíl, Domingos Mariano Reis iha abertura esplika objetivu worshop validasaun ba roadmap asaun antisipatóriu dezastre iha Timor Leste importante atu bele guai ka matadalan hodi garantia Timor-Leste labele lakon tan ninia riku soin, lakon tan ema sira hosi kauza dezastre.
“Ita hotu hatene bazeia ba relatóriu anualmente Timor Leste lakon nini riku soin $ 5,9 millions dollar amerikanu hanesan kazu iha 04 abril 2021 sai referénsia no esperiénsia ba Timorr-Leste, ” haktuir SEPC.
SEPC konsidera mudansa klimátika kauza hosi La Nina ho El Ninu sai preokupasaun mundiál, inklui Timor-Leste hanesan nasaun ne’ebe vulneravel ba dezastre iha mundu.
Liga ba medidad prevensaun dezastre, Governante ne’e haktuir agora daudaun parseiru lubuk ida mak apoiu Autoridade Protesaun Sivil (APC) ba sistema alerta sedu mai Timor Leste no IX Governu konstitusionál rasi tau prioriedade ba medida prevensaun hodi hanosu tan Diresaun Nasionál Prevensaun no Mitigasaun.
Iha fatin hanesan, Prezidente AND, I.P, Pedro Marcal da Costa intodús dezenvolvimentu Roteiru Asaun Antisipatóriu parte hosi projetu Sistema Alerta Sedu, ne’ebé finansia hosi fundu Klimatika Verde ho monante 21.7 millions ba tinan 5 no agora tama ona ba tinan 3.
“Fundu ida ne’e hanesan fundu apoiu ba klimatika nian liga liu ba Timor-leste nian iha vunerabilidade ba dezastre n’ebeé kategória nasaun menus dezenvolvidu,” esplika Prezidenti AND, I.P.
Nia hateten Timor Leste risku ba klimatika bele haree temperature nivel tasi mos sei sae tan, asaun sira preparativu importante ho fundu ba sistema alerta sedu ne’e atu hasa’e nivel sistema alerta sedu tuir padraun internasional, ne’ebé presija kolaborasaun no partisipasaun ba ministeriu hotu-hotu nian.
Prezidente AND, I.P fundamenta Ministeriu Telekomunikasaun no Transporte liu hosi Diresaun Nasional Metrodologia no Geofisika ho Ministériu Interior liu hosi Sekretaria Estadu Protesaun Sivil atu eleva sira-nia kapasidade sistema alerta sedu atu bem preparadu sistema, sistema integradu, sistema ida ne’ebé maka fó esperansa bele antisipa sedu dezastre sira ne’ebé maka mai husi risku klimatika.
Partisipa iha validasaun estrutura APC-SEPC, ONG nasionál no internasionasionál, ajénsia ONU sira iha Timor-Leste.
Ekipa Kobertura Media GREC-APC