𝐒𝐄𝐏𝐂 𝐈𝐍𝐀𝐔𝐆𝐔𝐑𝐀 𝐁𝐄’𝐄 𝐌Ó𝐒 𝐁𝐀 𝐊𝐎𝐌𝐔𝐍𝐈𝐃𝐀𝐃𝐄 𝐖𝐄𝐁𝐎𝐁𝐎 by Mateus | May 1, 2024 | Notisia RAEOA, 30 Abril 2024-Komando Autoridade Protesaun Sivil (APC) Raeoa, Komandante Operasional Inspektur Xefe Polisia Herman Metan hamutuk ho ekipa hala’o Monitorizasaun ba Benefisiariu ne’ebe hetan ona Material Rekoperasaun iha Tinan Kotuk 2023 hodi hari’i fali sira nia uma ne’ebe maka hetan Dezastre. Liu husi Monitorizasaun ida ne’e ekipa (APC) Raeoa Hakarak atu hatene tuir Benefisiariu hari’i ona uma no hetan por sentu hira Ekipa (APC) Monitoriza uma kain (2) nebe maka finaliza ona iha Aldeia Manan, Suco Bene-Ufe, Postu Administrativo Nitibe. Media APC-RAEOA Vikeke, 30 abríl 2024-Sua Exelénsia Sekretáriu Estadu Protesaun Sivíl, Domingos Mariano Reis ho Country Director Care Internasional, Peter Goodfollow inaugura bee mos iha aldeia Webono, suku Ossorua, postu administrativu Ossu, munisípiu Vikeke. Projetu dada bee mos mai hosi komunidade aldeia Webobo rasik, ho apoiu fundu hosi Care Internasionál ho montante $ 2.000 resin ba projetu refere. Intervensaun Sua Exelénsia Sekretáriu Estadu Protesaun Sivíl, Domingos Mariano Reis iha inaugurasaun hateten nia parte kontente ho projetu bee mos ne’ebé Care apoiu sei fó benefísiu boot ba komunidade Webobo. “Ha’u kontente mai iha ne’e no ha’u apresia Care nia apoiu ba governu Timor-Leste maské eskala kiik, maibé fó benefísiu boot, ita haree simples maibé boot,” dehan SEPC. Tanba ne’e, Governante lori governu nia naran hato’o agradesimentu boot ba Care ho Governu Austrália. “Lori Nonu Governu nia naran no pesoalmente hanesan timorense agradese ba governu Austrália no espesiál ba povu Austrália, tanba apoiu ona komunidade sira, tanba dala ruma ami-nia kbiit rekursu finanseiru la to’o,” agradese Sekretáriu Estadu. Membru Governu fundamente Protesaun Sivíl nafatin buka no kopera ho parseiru sira-hotu, tantu rai no rai laran sempre buka meius oioin atu manan konfiansa parseiru sira-nian hodi apoiu Timor-Leste hanesan ho Care laiha dúvida atu asina akordu hodi apoiu TL. Lideransa Protesaun Sivíl esplika mudansa klimátika sai issu globál, mundiál iha rejiaun sai preokupasaun mundu nian, tanba ne’e saida mak tenke halo bainhira iha bailoron naruk, persija prepara bee, konserva bee. Sekretáriu Estadu husu inan aman no komunidade Webobo atu uza bee ho kuidadu no husu atu kuda ai horis barak hodi prodús bee barak, banhira bailoron naruk komunidade sira sei iha hela bee utiliza ba kmonsumu. Antes konklui, SEPC hateten ho implementasaun projetu ne’e la’os atu kompete, maibé atu kuidadu de’it obra inan aman sira-nian, obra éroi sira-nian nuudar jerasaun kontinuadór atu kontinua de’it obra aman veteranus sira-nian. Iha fatin hanesan, Country Director Care Internasional, Peter Goodfollow konsidera ho projetu dada bee mós importante tebes ba komunidade remotas no rural sira, hanesan komunidade Webobo importante ba Care Internasional no parseiru governu hanesan Protesaun Sivíl, tanba dezstre naturais mosu komunidade área rurál no remota persija planu ba responde. Dirijente Care esplika projetu ida dada bee mos ne’e hanesan projetu preprasaun ba tempu bailoron nian. Nia hatete “Ha’u kontente tebes ho lideransa Protesaun Sivíl iha preparasaun ba dezastre sira iha Timor-Leste.” Xefe Aldeia Webobo hatete “Ami-nia populasaun sira tuir iha ne’e moris mukit ho ki’ak, maibé Care mai fasilita no apoiu dada bee mos iha ami-nia knua, ami kontente no agradese boot.” Entretantu, projetu dada bee mos parte ida hosi Dizastre Prontu/Disaster Ready hodi haforsa rezilénsia komunidade sira-nian ba dezastre naturais iha tempu bailoro naruk.
